«Biz jetekshi ýnıversıtetterdi elimizde fılıaldaryn ashý úshin shaqyryp otyrmyz. Men Reseıdiń tehnıkalyq ýnıversıtetterin yntymaqtasa jumys isteýge shaqyrdym. Almatydaǵy QazUÝ-da fızıka-tehnıka jáne Atyraýda munaı-gaz salalary boıynsha Reseı ýnıversıtetteriniń bólimsheleri ashyldy. Jaqynda Sıan qalasynda boldym. Ol jerde de Qytaıdyń tehnıkalyq baǵyttaǵy joǵary oqý oryndary óz fılıaldaryn elimizde ashýyna múddeli ekenimizdi aıttym. Munyń bári bizge paıdaly. О́ıtkeni bilim halyqaralyq yntymaqtastyqqa jol ashady. Bilimde shekara bolmaıdy. Qaryshtap damyp ketken elder bar. Artta qalyp qoıǵan, biraq ozyq memleketterdi qýyp jetýge talpynatyn elder de bar. Sondyqtan bul salanyń perspektıvasy zor. Qazaqstan bilim salasyn damytý úshin aldyńǵy qatarly elderdiń qataryna qosylady dep oılaımyn. Men sizderge úlken úmit artamyn», dedi Prezıdent.
