Ulttyq ekonomıka mınıstri Álibek Qýantyrovtyń aıtýynsha, bıylǵy qańtar-sáýir aılarynda NKI-diń jalpy kólemi 3,8 trln teńgeni qurady, bul 2022 jyldyń sáıkes kezeńimen salystyrǵanda 18%-ǵa artyq. Bul oraıda taý-ken jáne óńdeý ónerkásibi, jyljymaıtyn múlikpen jasalatyn operasııalar, kólik jáne qoımalaý, aýyl sharýashylyǵy salalarynyń kórsetkishteri joǵary.
Qańtar-sáýir aılarynda jalpy respýblıkalyq nysanaly ındıkatorǵa qol jetkizildi. 20 óńirdiń 12-si josparlaryn oryndady nemese asyra oryndady. Olardyń qatarynda Túrkistan (148%), Qyzylorda (137%), Qaraǵandy (122%), Mańǵystaý (122%) jáne Aqmola (116%) oblystary bar. Ortalyq memlekettik organdar arasynda Densaýlyq saqtaý (167%), Oqý-aǵartý (153%), Ǵylym jáne joǵary bilim (152%), Saýda jáne ıntegrasııa (143%), Aýyl sharýashylyǵy (116%), Ekologııa jáne tabıǵı resýrstar (108%) mınıstrlikteri belgilengen kórsetkishterdi asyra oryndady.
Premer-mınıstr 4 aıdyń qorytyndysy boıynsha oblystar men ortalyq memlekettik organdardyń deni NKI boıynsha kórsetkishterdi qamtamasyz etkenin, alaıda 8 óńirdiń nysanaly ındıkatorlarǵa qol jetkize almaǵanyn atap ótti. Aýtsaıderler – Ulytaý (52%), Abaı (64%) jáne Jambyl (65%) oblystary.
«Ulytaý jáne Jambyl oblystary ótken jyly da jospardy oryndamaǵan. Atalǵan oblystardyń ákimderi buǵan deıin Investısııalyq shtab otyrysynda jaǵdaıdy bıyl túzeımiz dep ýáde bergen bolatyn. Biraq, kórip otyrǵanymyzdaı, bul óńirler barlyq oblystyń ishinde eń sońǵy oryndarda qalyp otyr», dedi Álıhan Smaıylov.
Qabyldanyp jatqan sharalar týraly Abaı oblysynyń ákimi Nurlan Uranhaev, Jetisý oblysynyń ákimi Beıbit Isabaev, Jambyl oblysynyń ákimi Nurjan Nurjigitov, Qaraǵandy oblysynyń ákimi Ermaǵanbet Bólekpaev jáne Ulytaý oblysy ákiminiń orynbasary Ulantaı Úsenov baıandama jasady.
Baıandamashylardy tyńdap bolǵan soń, Úkimet basshysy birinshi jartyjyldyqtyń qorytyndysy boıynsha ınvestısııalarǵa jaýapty laýazymdy tulǵalarǵa qatysty tıisti sharalar qabyldanatynyn atap ótti.
Sonymen qatar Álıhan Smaıylov Mádenıet jáne sport (62%), Sıfrlyq damý, ınnovasııalar jáne aeroǵarysh ónerkásibi (61%) mınıstrlikteriniń NKI boıynsha jumys qarqyny óte baıaý ekenin atap ótip, IT salasyndaǵy jobalar sanyn ulǵaıtý, sondaı-aq týrızm salasyna ınvestısııalar tartý jónindegi jumysty kúsheıtý qajettigin atap ótti.
Atalǵan máseleler boıynsha Mádenıet jáne sport mınıstri Ashat Oralov pen Sıfrlyq damý, ınnovasııalar jáne aeroǵarysh ónerkásibi vıse-mınıstri Asqar Jambakınniń esepteri tyńdaldy.
Premer-mınıstr osy jyly Úkimet aldynda NKI deńgeıin 18,5 trln teńgege jetkizý mindeti turǵanyn atap ótti. Osyǵan baılanysty óńirler men vedomstvolar kemshilikterdi eskere otyryp, negizgi kapıtalǵa ınvestısııalar tartý jumystaryn kúsheıtýi qajet.
Sonymen qatar otyrysta tikeleı sheteldik ınvestısııalardy tartý jónindegi ótken jylǵy jumys qorytyndylary qaraldy.
Syrtqy ister mınıstriniń orynbasary Almas Aıdarovtyń aıtýynsha, ótken jyly NKI kórsetkishi 28 mlrd dollardy quraǵan, bul – sońǵy 10 jyldaǵy rekordtyq kórsetkish. Ekonomıkanyń negizgi salalarynda jalpy quny 2,3 trln teńge bolatyn 199 ınvestısııalyq joba paıdalanýǵa berildi. 2023 jyly 1,9 trln teńgege taǵy 281 jobany iske qosý josparlanyp otyr.
О́tken jyldyń qorytyndysy boıynsha ınvestorlardyń úzdik ondyǵyna Nıderland, AQSh, Shveısarııa, Belgııa, Reseı, Ońtústik Koreıa, Qytaı, Fransııa, Ulybrıtanııa jáne Germanııa elderi kirdi.
Álıhan Smaıylov Memleket basshysy Úkimet aldyna 2029 jylǵa deıin 150 mlrd dollar TShI tartý mindetin qoıǵanyn atap ótti.
«Bıyl ekonomıkaǵa kem degende 24 mlrd dollar sheteldik kapıtaldy tartýǵa tıispiz. Mınıstrler men ákimder ekonomıkanyń basym sektorlarynda sheteldik kapıtaldyń qatysýymen jańa ári sapaly ınvestısııalyq jobalardy júzege asyrý úshin qajetti sharalardy qabyldaýy kerek», dedi Premer-mınıstr.
Odan bólek, otyrysqa qatysýshylar sheteldik ınvestorlardyń qatysýymen oryndalatyn iri jobalar boıynsha problemalyq máselelerdi qarady. Talqylaý qorytyndysy boıynsha Álıhan Smaıylov jaýapty memlekettik organdar men uıymdarǵa olardy sheshý boıynsha túbegeıli sharalar qabyldaýdy tapsyrdy.
