– Biz búgin saıası qýǵyn-súrgin jáne asharshylyq qurbandaryn eske alamyz. Totalıtarızmniń bul qyrǵyny halqymyzǵa orasan zor qasiret ákeldi. Tarıhymyzdyń qaıǵyly kezeńderin tereń zerdelep, jazyqsyz japa shekken bozdaqtardy aqtaý isin jalǵastyrý – óte mańyzdy másele, – dep jazdy Qasym-Jomart Toqaev Twitter-de.
Prezıdenttiń pikirinshe, azaly kúnderden sabaq alyp, mundaı náýbettiń keleshekte qaıtalanýyna jol bermeý – barshamyzǵa ortaq paryz. Biz aýyr synaqqa tótep bergen, ult birligin saqtap qalǵan jáne asyl qasıetterin joǵaltpaǵan ata-babamyzdyń úmitin aqtaýymyz qajet.
