2023 jyly «Bolashaq» baǵdarlamasy aıasynda 555 stıpendııa bólindi. Onyń ishinde:
- magıstratýra jáne rezıdentýraǵa – 395;
- doktorantýraǵa – 50,
- taǵylymdama baǵdarlamalaryna – 110 stıpendııa.
Basym mamandyqtar tiziminde 262 mamandyq bar.
«Bıyl «Bolashaq» stıpendııasy aıasynda úmitkerlerdi irikteý qaǵıdalary jetildirildi. Endi konkýrsqa sheteldik joǵary oqý orny nemese uıymnan akademııalyq oqýǵa granty bar úmitkerler de qatysa alady. Bul rette «Bolashaq» baǵdarlamasy bilimgerdiń turý, tamaqtaný, medısınalyq saqtandyrý, ushý, vızalyq alymdar, oqý materıaldaryn satyp alý shyǵyndaryn óteıdi. Sondaı-aq eńbekpen óteý merzimi bir jylǵa qysqarady», dedi «Halyqaralyq baǵdarlamalar ortalyǵy» AQ basqarma tóraǵasy Oljas Sákenov.
Eske salaıyq, budan keıin ótinimder 17 shilde men 15 qyrkúıek aralyǵynda qabyldanady.
