Bul kúni is-sharalar saǵat 10:00-den bastalady. Mektepke deıingi mekemelerde búldirshinder arasynda tańǵy jattyǵý fleshmoby ótedi. Sol sııaqty qala mektepteriniń sport alańdarynda jas fýtbolshylar men fýtbol komandasy arasynda marafon uıymdastyrylady.
Saǵat 11:00-de О́mirlik qıyn jaǵdaıǵa tap bolǵan balalardy qoldaý ortalyǵynda «Ásem áýen álemi - balalyq shaq» atty festıval ótedi. Al SOS Astana balalar aýylynda óskeleń urpaqqa arnap «Ǵajaıyptar sheberhanasy» aksııasy uıymdastyrylady. Sonymen qatar dál osy saǵatta Jastar teatrynda Á.Faızýllınniń «Aqyl patshalyǵy» atty ertegisi jurtshylyqqa usynylady. Al Ortalyqtandyrylǵan kitaphanalar júıesi «Otanym - baqyt mekeni» is-sharasyn uıymdastyryp, búldirshinder asfaltta sýret salady. Budan bólek, №31 mektep-gımnazııasynda ınklıýzııany qoldaý kabıneti ashylady.
Al saǵat 12:00-den bastap elordada Balalardy qorǵaý kúni merekesin atap ótý erekshe qarqyn alady. «Astanalyq» saıabaǵynda «Balalyq shaq» konserti, sol sııaqty 17:00-ge deıin sharlarmen túrli músinder ázirleý, akvagrımnan master-klass, robototehnıkadan «RoBOKOD» konkýrsy, kvest oıyndar, «Dámdi álem» kýlınarlyq master-klasy, sabyn kópirshikteriniń otshashýy ótedi. Sonymen qatar 12:00-17:00 aralyǵynda «Jetisý» saıabaǵynda arqan tartý, bes tas, asyq, toǵyzqumalaq, láńgi tebý, gir kóterý sekildi ulttyq oıyndardan týrnırler uıymdastyrylady.
Budan bólek Esil ózeniniń jaǵalaýynda búldirshinderge arnap konsert te qoıylady. Sol sııaqty eresekter men balalarǵa arnalǵan «Dance zone» sýperdıskotekasy da, «Biz baqytty beıneleımiz» mega-pannosy da uıymdastyrylady.
Saǵat 12:00-de Ál-Farabı atyndaǵy Oqýshylar saraıynda «Balalyqtyń boıtumary» konserti, kartıng, motokross, arqan tartý, shahmat, asfaltqa sýret salý boıynsha jarys, sondaı-aq jas sánqoılar arasynda defıle fleshmoby, kógershinderdi ushyrý is-sharasy ótedi.
Ustazdar alleıasynda saǵat 12:00-de «Balalyq shaq – ǵajaıyptar álemi» merekelik is-sharasy, «Sıqyrly alań» sporttyq estafetasy, «Otbasymen oqý» kórmesi uıymdastyrylady.
Al Mýzykalyq jas kórermen teatrynda «Kún astyndaǵy Kúnekeı qyz» ertegisi qoıylady.
Bul kúni Amfıteatr aýmaǵynda «Bolashaq - bizdiń qolymyzda» konserti ótkizilse, Astanalyq sırkte «Balalarǵa kúlki syıla» is-sharasy uıymdastyrylady.
Saǵat 14:00-de jáne 16:00-de Qýyrshaqtar teatrynda «Elvın jáne sıqyrly ormannyń turǵyndary» qoıylymy kórsetiledi. Al Nomad City Hall sahnasynda «Bolmaǵan balalyq shaq» ertegisi sahnalanady.
Budan bólek, Arbat, Amfıteatr, Demalys Promenade aýmaǵynda balalarǵa arnalǵan Creative summer is-sharasy 1 maýsymnan bastalyp, tamyz aıyna deıin jalǵasady.
