Baıqońyr qalasynda jalpyhalyqtyq patrıottyq is-sharalar uıymdastyrylyp, barlyq aýdanda Eltańba avtory, syrboıylyq Jandarbek Málibekovtiń eńbegi keńinen nasıhattaldy. Memlekettik Tý avtory, sýretshi Sháken Nııazbekovtiń 85 jyldyǵyna arnalǵan is-sharalar, patrıottyq aksııalar, kórmeler men tanymdyq saǵattar ótkizildi.
Ataýly kúnge arnalǵan aýqymdy jıyn oblys ortalyǵyndaǵy Rámizder alańynda ótti. Qaı memlekettiń de mártebesin aıqyndaıtyn basty qundylyq – shekarasy, astanasy jáne Memlekettik rámizderi ekenin atap ótken oblys ákimi Nurlybek Nálibaev jınalǵandardy merekemen quttyqtady.
– Memleket basshysynyń «Qasıetti nyshandarymyzda qazaqtyń myń jyldyq arman-tilegi, maqsat-muraty túgel toǵysqan. Kók baıraǵymyz – myzǵymas memlekettiliktiń belgisi. Eltańbamyz – azattyqtyń aıshyqty kórinisi. Al, Ánuranymyz – erkindik pen eldiktiń úni. Táýelsizdiktiń osy úsh sımvoly halqymyzǵa erekshe rýh beredi. О́ıtkeni, bul – babalarymyzdyń oryndalǵan armany», degen sózinen elimizdiń basty qundylyqtaryna degen erekshe qurmetti kóremiz. Rámizderimizdi eldigimizdiń urany, patrıottyǵymyzdyń bastaýy, Otanymyzdyń maqtanysh sımvoly retinde tanytý bárimizdiń boryshymyz, – dedi oblys ákimi.
Patrıottyq is-sharada Otan, atameken, týǵan jer týraly ánder oryndaldy. Memlekettik Týdy jelbiretken jeńil kólikter men motoshabandozdar sherýi kóshe boılap júrip ótti.
BAIQOŃYR
