11 maýsym kúni Sadyr Japarov Qasym-Jomart Toqaevqa kóńil aıtý jedelhatyn joldady.
«Qurmetti Qasym-Jomart Kemeluly, búkil qyrǵyz halqynyń atynan jáne jeke ózimniń atymnan Qazaqstannyń shyǵysynda bolǵan orman órti saldarynan qaza tapqan qyzmetkerlerdiń jaqyndarynyń qaıǵysyna ortaqtasyp kóńil aıtamyn. Qaza tapqan qazaqstandyqtardyń týǵan-týystary men jaqyndaryna shyn júrekten qoldaý bildirip, zardap shekkenderdiń barlyǵyna tezirek saýyǵyp ketýin tileımiz», delingen jedelhatta.
Aıta keteıik, búgin Qazaqstanda jalpyulttyq aza tutý kúni bolyp jarııalandy. Tıisti jarlyqqa Qasym-Jomart Toqaev bir kún buryn, 11 maýsymda qol qoıdy.
«Abaı aýdanyndaǵy orman órti saldarynan adamdardyń qaza bolýyna baılanysty 2023 jylǵy 12 maýsymda Qazaqstan Respýblıkasynda jalpyulttyq aza tutý kúni jarııalansyn», delingen qujat mátininde.
