Úmit syılaǵan úsh gol

Italııanyń Parma qalasy Ennıo Tardını stadıonyndaǵy kezdesýde Qazaq­stan quramasy osy irikteý keze­ńin­degi eń mańyzdy ári eń qıyn oıynyn ótkizdi dep aıtýǵa bolady.

Italııadaǵy match­tyń­ birinshi taımynda jerlesterimiz qaǵaz júzindegi alań qojaıyndarynyń qor­ǵa­nys­ kiltin taba almaı, biraz qara terge tústi. Onyń ústine bul matchta Magomed Adıev birqatar kadrlyq qıyndyqqa tap bo­lyp, bir ǵana shabýylshymen oınaýǵa máj­búr boldy. Ulttyq quramanyń ne­giz­gi shabýylshysyna aınalǵan Abat Aıym­be­tov Danııamen ótken oıyndaǵy qyzyl qaǵazynyń saldarynan bul oıynda áriptesterine kómektese almady. Dese de shabýylshylardyń ornyn joq­tat­paı­tyn qorǵaýshylarymyz Ennıo Tar­dını stadıonyndaǵy matchta da mer­gendigimen kózge tústi. Oıynnyń 37-mı­nýtynda Iаn Vorogovskıı esep ashyp, el quramasyn esepte al­ǵa­ shyǵardy.

Ekinshi taımda Magomed Adıev alań­ǵa Baqtıer Zaınýtdınov, Elhan Asta­nov, Arman Keńesov sekildi jas ári krea­tıvti oıynshylardy shyǵaryp, birin­shi taımdaǵy súreńsiz oıyndy jandan­dy­ra tústi. Sóıtip, jerlesterimiz match aıaq­tal­ǵanǵa deıin taǵy eki gol soǵyp, oıyn­da­­ǵy basymdyǵyn ulǵaıtty. Aldymen 64-mınýtta komanda kapıtany Ashat Taǵy­­bergen penaltıden múlt ketpese, matchtyń sońǵy sekýndynda ulttyq qura­manyń kóshbasshysy Baqtıer Zaınýt­dı­­nov dáldik tanytyp, kezdesýdiń núk­te­sin qoıdy. Osy golynyń arqasynda Zaınýt­dınov ulttyq quramada soqqan gol­dar sanyn 12-ge jetkizip, áıgili sha­býyl­­shy Vıktor Zýbarevpen teńesti.

Osylaısha, Eýropa chempıonatynyń irikteý kezeńindegi úsh oıynda alty upaı jınaǵan jerlesterimiz týrnır kes­tesinde ekinshi orynǵa kóterildi. Biraq qýanýǵa áli erte. О́ıtkeni N tobynda Danııa men Qazaqstannan bólek, Fınlıandııa men Slovenııa qura­ma­­­synyń enshisinde de úsh oıynnan ke­ıin alty upaı bar. Bul degenimiz, bir top­taǵy tórt quramanyń da joldamadan úmiti bar.

Toptaǵy ózge oıyndarǵa toqtalar bol­­saq, úshinshi týrda Danııa quramasy óz alańynda Soltústik Irlandııany qa­byl­dap, 1:0 esebimen jeńiske jet­se, Fın­lıandııa fýtbolshylary Slovenııany tize búktirdi – 2:0. Tór­tinshi týrda Adıev shákirtteri Bel­fastta Soltústik Irlan­dı­ıa­men kez­desedi. Bul oıyn maýsymnyń 19-nan 20-na qaraǵan túni ótedi. Sony­men­ qatar tórtinshi týrda Danııa Slo­ve­nııaǵa qonaq­qa barsa, Fınlıandııa óz­ alańynda San-Marınony qa­byl­daıdy.