Shan Shýı - dástúrli qytaı mádenıeti beınelengen 2023 jylǵy Azııa oıyndarynyń medali.
Uıymdastyrýshylar Hanchjoýda ótetin Azııa oıyndarynyń medalin resmı túrde tanystyrdy. 5 000 jyldyq Qytaı órkenıetin tanystyratyn medal dızaıny kontınenttik mýltısporttyq is-shara bastalǵanǵa deıin 100 kúndik keri sanaq sharasynda usynyldy.
Azııa oıyndarynyń júldelerin tanystyrý rásimi ejelgi Qytaı qalasynyń arheologııalyq orny Lıanchjýda ot jaǵý rásimimen qatar ótkizildi.
Medaldiń artqy jaǵynda sportshylardyń Azııa oıyndaryna qatysýyn beıneleıtin tórtburyshty mór bar. Sonymen qatar medal Hanchjoýdyń geografııalyq erekshelikterin de bildiredi.
«Medal Hanchjoýdyń tańǵajaıyp landshaftynan jasalǵan jáne qalanyń úsh negizgi kórikti jerlerin – Batys kóldi, úlken kanaldy jáne ejelgi Lıanchjý qalasynyń qıraǵan saıabaǵyn kórsetedi. Biz medalde Hanchjoýdyń san ǵasyrlyq tarıhyn, tereń mádenıetin jáne adamzat pen tabıǵattyń úılesimin usynyp otyrmyz», dedi Qytaı О́ner akademııasynyń ónerkásiptik dızaın departamentiniń dırektory Chjan Szıýnsze.
Medal taspasy ekologııalyq taza basyp shyǵarý ádisteri men brokad jakkard tehnologııasyn qoldana otyryp qolmen tigilgen. Taspanyń ilgegi Iаnszy ózeniniń ońtústiginde ornalasqan Szıannan aımaǵynyń erekshelikterin kórsetedi.
Eske sala keteıik, 2022 jyldyń qyrkúıegine josparlanǵan Azııa oıyndary Qytaıdaǵy koronavırýs pandemııasyna baılanysty 2023 jylǵa shegerilgen edi. Azııa oıyndary osy jyldyń 23 qyrkúıegi men 8 qazany aralyǵynda ótedi.
