61 medal buıyrdy

Úsh kúnge jalǵasqan álem chempıonatynda Qazaqstan ulttyq quramasynyń sport­shylary eki baǵdarlama qory­tyn­dysy boıynsha 61 medal oljalap­ (21 altyn, 19 kúmis jáne 21 qola), jalpy­ko­mandalyq esepte bas júldege ıe boldy. Eki sportshy arasyndaǵy jekpe-jek tú­rinde erler – 8, áıelder – 6 jáne 2 ab­so­lıýtti salmaqta kúsh synasty. Budan bó­lek, ózin-ózi qorǵaý baǵdarlamasynda er­ler – 11, áıelder 8 salmaqta kim myq­tyny anyqtady. Taǵy bir aıta keter­ligi, jarys qojaıyny retinde eń kóp sportshyny (65 adam) Qazaqstan qura­ma­sy qosty.

Sonymen qatar 7 altyn, 7 kúmis jáne 15 qola medaldi qorjyndaryna salǵan Reseı quramasy jalpykomandalyq esepte ekinshi orynǵa ıe bolsa, úzdik úshtikti О́zbek­stan sportshylary túıindedi. Olar­dyń enshisinde 25 júlde bar (7 altyn, 6 kúmis, 12 qola). Keıingi oryndarǵa Mol­dova (1 kúmis, 1 qola), Qyrǵyzstan (6 qola)­ men Taıland (3 qola) quramalary jaı­ǵasty.

Jarystyń jabylý saltanatynda Má­denıet jáne sport mınıstri Ashat Oralov, Memlekettik kúzet qyzmetiniń bas­shysy, Qazaqstan qoıan-qoltyq urys qa­ýymdastyǵynyń prezıdenti, genaral-maıor Sáken Isabekov, Halyqaralyq qoıan-qoltyq urys federasııasynyń pre­zıdenti Sergeı Astahov qatysyp, júl­de­ger­lerdi marapattady.

«Búginde elimiz boıynsha qoıan-qol­tyq­ urystyń 500-ge jýyq seksııasy jumys isteıdi, onda 22 myń­nan astam adam osy sportpen shuǵyldanady. Jek­pe­-jek túrleri Qazaqstanda óte tanymal, sondyqtan bul sport túriniń eli­mizde bolashaǵy zor dep bilemin. Halyq­aralyq qoıan-qoltyq urys federasııa­sy­na, sondaı-aq búkilqazaqstandyq qoıan-qoltyq urys qaýymdastyǵyna jáne onyń prezıdenti – Memlekettik kú­zet qyzmetiniń bastyǵy, general-maıor Sáken Isabekovke aıryqsha alǵys aıt­qym­ keledi. Mundaı týrnırlerdiń sport pen­ salamatty ómir saltyn nasıhattaýǵa qosa­tyn úlesi orasan zor, sondyqtan biz osyndaı jarystardy elimizde múm­kin­di­gin­she júıeli túrde ótkizý úshin jumys is­teımiz», dedi A.Oralov.

Jalpy, qoıan-qoltyq urys – kúsh qo­l­danatyn birneshe sport túriniń qo­syndysynan shyqqan. Jekpe-jek tú­rin­de eki sportshy bir-birimen kúsh synas­sa, ózin-ózi qorǵaýda jekeleı jáne jup­tyq­ synda shabýyldan qalaı qorǵaný ke­re­­gi kórsetiledi. Munda ár jattyǵý 5 qor­ǵa­nys­ ádisinen toptastyrylǵan.