«Birinshiden, biz BUU Jarǵysyn qatań saqtaýymyz kerek. Árıne, Birikken Ulttar Uıymyn álemde teńdesi joq ári ámbebap uıym retinde qoldaýǵa tıispiz. Ekinshiden, biz Qytaıdyń, sondaı-aq basqa da memleketterdiń barlyq beıbit bastamasyn qoldaýymyz qajet», dedi Prezıdent.
Osy oraıda Memleket basshysy jaqyn arada Ýkraınadaǵy qarýly qaqtyǵys toqtaıdy dep úmittenetinin aıtty.
«Jaqyn arada Ýkraınadaǵy qarýly qaqtyǵys toqtaıdy dep úmittenemiz. Sodan keıin álemniń osy bóliginde berik beıbit ómir ornaıtyny týraly sóz qozǵaı alamyz. Qazaqstanǵa keletin bolsaq, biz osy maqsatqa qol jetkizýge óz úlesimizdi qosýǵa daıynbyz. Sonymen qatar biz – Reseımen strategııalyq seriktespiz jáne birneshe uıymnyń múshesi ekenimizdi atap ótken jón. Sondyqtan bizdiń maqsatymyz – ekijaqty jáne halyqaralyq uıymdar aıasynda ózara yntymaqtastyǵymyzdy nyǵaıtý úshin Reseımen tyǵyz baılanysty saqtaý», dep qosty Memleket basshysy.
