QR Energetıka mınıstrligi bekitken jumys kestesine sáıkes, 2023 jyldyń 20 maýsymy men 19 shildesi aralyǵynda Pavlodar munaı-hımııa zaýytynyń jumysy ýaqytsha toqtaıdy.
«Kásiporynda kúrdeli jóndeý kezinde júrgiziletin jumystyń negizgi bóligine tehnologııalyq jabdyqtardyń (qubyrlar, peshter, bý qubyrlary) ónerkásiptik qaýipsizdigin tehnıkalyq turǵydan kýálandyrý, jóndeý jáne saraptaý kiredi. QR «Azamattyq qorǵaý týraly» Zańy men saladaǵy qoldanystaǵy normatıvtik qujattardyń talaptaryna sáıkes, joǵaryda atalǵan jumystardy oryndaý kezinde zaýyttyń tehnologııalyq obektilerin paıdalanýdy tolyq toqtatý talap etiledi», delingen PMHZ baspasóz qyzmeti taratqan habarlamada.
Bul rette zaýyt jumysy toqtaıtyn kezeńge 37 myń tonna benzın men 47 myń tonna dızel otynynyń qory jetkilikti mólsherde jınaqtalǵanyn aıta ketý kerek.
