«Tutynýshylardyń kóbeıýine, memlekettiń jaǵdaıyna, óndirýshi kompanııalardyń suranystaryna baılanysty suıytylǵan gazdyń baǵasyn ósirý de kerek shyǵar. Biraq bul máselede aqyldasyp, jan-jaqty pysyqtap, ár óńirdiń jaǵdaıyn eskerip áreket etý qajet. Ortalyqtan sheshim qabyldaı salyp, óńirlerdi týyndaıtyn máselemen betpe-bet qaldyryp qoıýǵa bolmaıdy. Sondyqtan depýtattar osy máselege basa mán berip otyr. Eger baǵa ósetin bolsa, ol jumysty kezeń-kezeńimen júrgizý kerek. Eń bastysy, tyńǵylyqty zerttep, jergilikti jerlerdegi áriptestermen keńesip, azamattardyń pikirlerin eskerip, áleýmettik osal toptarǵa qoldaý kórsete otyryp sheshim qabyldaý kerek», dedi Máýlen Áshimbaev.
Aıta keteıik, búgin Senat otyrysynda «Qazaqstan Respýblıkasynyń keıbir zańnamalyq aktilerine suıytylǵan gaz aınalymyn retteý jáne turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań eki oqylymda qaralyp, maquldandy.
