Qoǵam • 03 Shilde, 2023

Kúdebaevtyń isi: Qyrǵyzstannyń bes azamatyna aıyppul salyndy

390 ret

kórsetildi

1 mın

oqý úshin

Qyrǵyzstanda Almaty oblysy polısııa departamentiniń burynǵy basshysy Serik Kúdebaevtyń elden qashý faktisi boıynsha qozǵalǵan qylmystyq is tóńireginde bes aıyptalýshyǵa úkim shyǵaryldy, dep habarlaıdy Egemen.kz 24.kg saıtyna silteme jasap.

Gúlshahra SANSYZBAI

Kúdebaevtyń isi: Qyrǵyzstannyń bes azamatyna aıyppul salyndy

Belgili bolǵandaı, is boıynsha tórt aıyptalýshy - qarapaıym turǵyndar, taǵy bireýi - Qyrǵyz Respýblıkasy Ulttyq qaýipsizdik memlekettik komıteti Shekara qyzmetiniń burynǵy qyzmetkeri. Ispen Qyrǵyzstannyń áskerı prokýratýrasy aınalysty.

Tergeý aıaqtalǵan soń materıaldar sotqa berildi. Aldyn ala málimet boıynsha, barlyq aıyptalýshylarǵa 350 000 som (1,8 mln teńge) aıyppul salyndy.

Sáýirdiń 28-i kúni Taldyqorǵan qalalyq sotynyń sýdıasy Ábdilla Úmbetaı Serik Kúdebaevty 10 jylǵa bas bostandyǵynan aıyrý jazasyn, ortasha rejımdegi kolonııada óteý týraly úkim shyǵardy.

Aıta keteıik, 27 sáýirde Qazaqstannyń Bas prokýrory Berik Asylov Kúdebaevtyń Túrkııada ustalǵanyn habarlady.

2023 jyldyń 3 sáýirinde Almaty oblystyq polısııa departamentiniń burynǵy basshysy sot otyrysyna barmaǵan, nátıjesinde oǵan halyqaralyq izdeý jarııalanǵan edi.

UQK shekara qyzmeti Serik Kúdebaevtyń resmı túrde shekaradan ótpegenin málimdedi. Sáýirdiń 12-si kúni Bas prokýratýra Almaty oblysy PD eks-basshysyna qatysty memlekettik shekarany zańsyz kesip ótý faktisi boıynsha qylmystyq is qozǵady.