Jalaqysynyń jartysy alıment úshin ustalǵanyn kórgen Hromtaý aýdanynyń turǵyny ashýǵa býlyǵyp, úıine kórshi turatyn burynǵy áıelin soqqyǵa jyqqan.
Soqqy saldarynan túrli dene jaraqattaryn alǵan jábirlenýshi Ý. ózin soqqyǵa jyqqan burynǵy joldasyn sotqa berdi. Alaıda keıin ol oıyn ózgertip, ózin soqqyǵa jyqqan burynǵy joldasyn keshiretinin jáne materıaldyq, moraldyq zalaldyń tolyq ótelgenin aıtyp, medıasııalyq kelisimge kelgenin aıtady. Sonymen qatar alıment óndirýden bas tartqanyn alǵa tartyp, sottan burynǵy kúıeýiniń bas bostandyǵynan aıyrmaıtyn jaza taǵaıyndaýdy surady.
Alaıda Hromtaý aýdandyq Soty sottalýshy azamatty QR QK-niń 106-babynyń 1-bóligimen kózdelgen qylmysty jasaǵany úshin kináli dep tanyp, 4 jylǵa bas bostandyǵynan shekteý jazasyn taǵaıyndady. Hromtaý aýdandyq prokýratýrasy turmystyq zorlyq-zombylyqtyń saldaryn túsindirý, aldyn alý maqsatynda atalǵan sot otyrysyna Hromtaý aýdandyq probasııa qyzmetiniń esebinde turǵan sottalǵandardy qatystyrdy.
