«Bekitilgen belgili bir etıka bar. Osy baǵytta sportshylarmen, jattyqtyrýshylarmen jáne ulttyq qurama múshelerimen jumys júrgizilip keledi. Sondaı-aq biz ıdeologııalyq jumystardy da júrgizemiz. Biz Beıbit Shúmenovke qatysty aqparattan qanyqpyz. Árıne, bul durys emes áreket, ásirese qoǵamdyq orynda bolǵan», dedi Sport jáne dene shynyqtyrý isteri komıtetiniń tóraǵasy Erbol Myrzabosynov.
Onyń aıtýynsha, qazaqstandyq sportshylar qoǵamǵa úlgi kórsetýi kerek.
Eske sala ketsek, kásipqoı boksshy Beıbit Shúmenov elordadaǵy saýda ortalyqtarynyń birinde qolynda balasy bar er adamdy urǵan. Oqıǵa ornynda túsirilgen vıdeo jelide tarady. Keıin boksshy atalǵan oqıǵaǵa qatysty túsinikteme berdi. Sóıtse, boksshy shetelde turatyn balasyn Otanyna alyp kelip, qydyrtyp júrgen. Sol kezde ony bir bala uryp, aıaǵynan súıregen kórinedi. Máseleniń anyq-qanyǵyn anyqtaý kezinde jaısyz oqıǵa bolǵan. Polısııa bólimshesinde soqqyǵa jyǵylǵan er adamnyń Qazaqstanda zańsyz júrgeni belgili bolǵan.
Al erekshe balanyń anasy, kerisinshe boksshydan keshirim surap, taraptar jaqsy tarqasqan.
