«Ahtıamov» sharýa qojalyǵy - «AMANAT» partııasynyń Saılaýaldy baǵdarlamasyn oryndaýdyń Jol kartasyndaǵy nysandardyń biri.
Sondyqtan onyń sapaly ári óz ýaqytynda aıaqtalýyn partııa óz baqylaýynda ustap otyr. Fabrıka qus eti, jumyrtqa jáne qurama jem óndirýmen aınalysady. Sonymen qatar Sátbaev qalasynda soıý sehy bar.
«Bolashaqta bul óndiris oshaǵy 30 adamdy jumyspen qamtıdy dep josparlanýda. Fabrıkanyń qýattylyǵy jylyna 1000 tonna et ónimin jáne 25 mln jumyrtqa shyǵarady», dedi sharýashylyq ıesi Rınat Ahtıamov.
Qus fabrıkasy nemis tehnologııasymen jumys isteıdi. Bul jumys prosessin tolyq avtomattandyrýǵa múmkindik berdi. Soǵan oraı, balapandar 42 kún baptalyp, keıin ósip, jetilgennen keıin soıýǵa jiberiledi. Fabrıkanyń qus etin óndeıtin sehy shamamen tamyz aıynda iske qosylady dep josparlanyp otyr. Al jumyrtqa shyǵaratyn bóligi kúz aılarynda óz jumysyn bastaıdy.
О́ńirge arnaıy barǵan Májilis depýtattary fabrıkanyń jumysymen tolyq tanysyp shyqty.
Oblysta qus ónimderin tutynýy 3500 tonna bolsa, bul fabrıka sonyń 30 paıyzyn óteıdi. Bul jergilikti ónim óndirip, naryqqa shyǵarý úshin úlken múmkindik beredi.
«Biz partııanyń saılaýaldy baǵdarlamasy aıasynda qolǵa alynǵan qurylys nysandaryn osylaı aralap, olardyń ýaqytyly paıdalanýǵa berýilýin baqylaımyz», dedi Erbolat Satybaldın.
О́z kezeginde Amanjol Áltaı taýyq etiniń ımportyn azaıtyp, ishki naryqta otandyq ónimdi kóbeıtý kerektigine nazar aýdardy.
«Sonda tutynýshy sapaly ónimmen qamtylyp, óndirýshiniń de isi alǵa basady», dedi depýtat.
