1200 orynǵa arnalǵan eki stýdenttik jataqhana Petropavl qalasynyń ortalyǵynda 500 metr qashyqtyqta ornalasady.
Qurylys belsendi qarqynmen júrip jatyr, qazir nysanda 90 adam jumys isteıdi, merdiger jergilikti - «Osnovanıe» JShS. Merdigerdiń aıtýynsha, jataqhana 2024 jyldyń tamyzyna deıin daıyn bolady. Qurylystyń alty aıǵa keshiktirilýiniń sebebi – tenderdiń basqa qatysýshysynyń daýlasýyna baılanysty sot prosesi ótken. Sondaı-aq jaqyn mańdaǵy jeke úılerdi buzý múmkindiginiń bolmaýyna baılanysty jylý jelisi jataqhanalarǵa ýaqytynda jetkizilmeýi múmkin. Jylý júrgizilgennen keıin ǵana qurylysshylar ishki árleýge kirise alady.
«Jylý men sý bolmasa, obekt iske qosylmaıdy. Biz Petropavl ákimdiginen jaqyn jerde ornalasqan úsh úıdi satyp alý kerek degen mardymsyz jaýap aldyq. Eger qarasha-jeltoqsan aılarynda ınfraqurylym jasalmasa, onda merdigerdiń paıdalanýǵa berilýi áli belgisiz ýaqytqa keshiktiriledi. Ol qysta ishki jumystardy júrgize almaıdy», dedi Erkebulan Mámbetov.
Jospar boıynsha eki jataqhanadaǵy úı-jaılardyń jalpy aýdany 27 myń sharshy metrden asady. Munda ákimshilik úı-jaılar, sport zaldary, býfetter men medısınalyq bloktar ornalasady. Ár bólimde as úı, kir jýý, tazalaý jáne keptirý bólmesi, turmystyq, jattyǵý jáne demalys, qosalqy bólmeler men jýynatyn bólmeler bolady.
