Nurlan Jaqypovtyń oıynsha, «Rosatommen» nemese basqa da kompanııamen kelissóz júrgizbes buryn Qazaqstanda atom elektr stansasyn salý nemese salmaý jóninde naqty sheshim qabyldaý qajet.
«Bul elektr energııasynyń aqysyn kim tóleıdi? Biz be, álde balalarymyz ba?!. Olarǵa ne qaldyramyz? Bul másele tóńireginde jan-jaqty taldaý jasap, eń ońtaıly joldardy oılastyrý kerek», dedi Nurlan Jaqypov.
Osy tusta qor tóraǵasy AES salynatyn jer týraly biraz suraqtar týyndap jatqanyn alǵa tartyp, sol jerge ekologııa jáne sýmen jabdyqtaýǵa qatysty birqatar talap qoıylatynyn eskerdi.
«AES salýǵa qoıylatyn talaptardyń biri – úlken sý qoımasynyń bolýy. Ekologııa jaǵyn bile bermeımin, biraq men esepterdi oqyp júrmin. Kaspıı qazirdiń ózinde tartylyp jatyr, Balqash ta taıazdanyp barady. Bireýin tańdap, atom elektr stansııasyn salyp, 10 jyldan keıin sý taǵy 10 metrge tartylatyn bolsa, ne bolmaq? Biz kún saıyn ózgerip jatqan zamanda jumys istep otyrmyz. Darvın aıtqandaı, eń kúshtiler emes, eń jyldam beıimdeletinder aman qalady. Oǵan qosa, jergilikti turǵyndar tarapynan áli de suraqtar bar. Búıirinde AES jumys istep turatynyna bári birdeı daıyn emes. Sondyqtan birqatar suraqqa salmaqty jaýap izdep, tıimdi sheshim qabyldaýymyz kerek», dep túıindedi Nurlan Jaqypov.
