Bıyl jańa formatta ótken básekede 10 salmaqta (erler 5, áıelder 5) chempıon anyqtaldy. Áýeli 2 kún boıy ár salmaqta chempıon anyqtaldy. Sosyn olar taǵy birneshe kún boıy óz salmaǵyn ustap turyp, sheshýshi kúni shırek fınalıster arasynan top jarǵan sportshymen sýperfınalda aıqasty. Osy jekpe-jekte basym túskeni elimizdiń namysyn sary qurlyq Olımpıadasynda qorǵaýǵa múmkindik aldy. Bul júıe arqyly osy sport túri shyqqan Ońtústik Koreıada búginge deıin óziniń Ulttyq quramasyn jasaqtap keledi.
Jeńimpazdar:
Áıelder:
49 kg – Botakóz Qapanova (Qyzylorda)
53 kg – Azıza Qarajanova (Jambyl oblysy)
57 kg – Marııa Sevostıanova (Atyraý)
67 kg – Nuraı Qusaıynova (Atyraý oblysy)
+67 kg – Jansel Denız (Almaty qalasy)
Erler:
58 kg – Eldos Ysqaq (Jambyl oblysy)
63 kg – Nurbek Ǵazez (Almaty qalasy)
68 kg – Eldar Birimbaı (Mańǵystaý oblysy)
80 kg – Nurlan Myrzabaev (Túrkistan oblysy)
+80 kg – Smaıyl Dúısebaı (Túrkistan oblysy)
«Kesheli beri bapkerim ekeýmiz sýperfınalǵa daıyndaldyq. Eljan ekeýmiz bir qalanyń sportshysymyz. Jospar qarsylastyń kim bolatynan qaramaı eki raýndta bar kúshimdi salyp, aıqasý boldy. Tarazynyń basynda Azııa oıyndaryna beriletin joldama turǵandyqtan eshkim aıanyp jatqan joq. Onyń ústine bizdiń salmaqqa aýysqan basqa taekvondoshylar bar. Endi halyqararalyq jarysqa myqtap daıyndalamyz», dedi Nurbek Ǵazez.
Sondaı-aq kúzde Azııa oıyndaryna qatysýshy ár memleketten bir tóreshi shaqyrylady. Bıyl Qazaqstan atynan qurlyq dodasyna Halyqaralyq dárejedegi tóreshi Dáýren Alǵabaev barmaq.
«Jańa formatta ótken bıylǵy Qazaqstan Kýbogy tóreshilerge qıyn, tańsyq boldy deı almaımyn. Bizge emes, sportshylar úshin bári jańadan bastaldy. Osy formattyń maqsaty – taekvondoshylardyń kóp salmaq qýýynyń aldyn alý. Munyń halyqaralyq jarystar kezinde keri áser etetinin jıi aıtyp júrmiz. Menińshe, osy tájirıbeni eresektermen qosa jastar arasyndaǵy jarystarda qoldaný kerek», dep aıtty bıylǵy Qazaqstan Kýbogynyń bas tóreshisi Dáýren Alǵabaev.
Bıylǵy básekede jalpy esepte Almaty qalasynyń komandasy top jarsa, Atyraý oblysy ekinshi, Jambyl oblysy úshinshi oryn aldy.
