«Chia Tai Pharmaceutical» kompanııasy ózin ınvestısııalyq uıym dep jarııalap, halyqqa joǵary kólemde jáne turaqty tabys beremiz dep ýáde taratqan. Biraq jeke tulǵalardan alǵan aqshany kásipkerlik qyzmetke paıdalanbaı, qatysýshylar arasynda qaıta bólgen. Qarjy pıramıdasyn uıymdastyrýshylar Batys Qazaqstan oblysy turǵyndarynan 769 mln teńge jınap úlgergen eken.
Qazirgi ýaqytta qarjy pıramıdasyn uıymdastyrdy degen kúdikti ustalyp, sot sanksııasymen eki aı merzimge qamaýǵa alynǵan.
Qarjy monıtorıngi agenttiginiń Batys Qazaqstan oblystyq departamenti jaqynda ǵana «World Money» kompanııasynyń ókilderine de «qarjy pıramıdasyn quryp, ony basqardy» degen aıyp taǵyp, sotqa deıingi tergeý bastaǵan bolatyn.
Bul kompanııa halyqty 21 myńnan 53 myń teńgege deıingi qarajat tólep, sońynan WhatsApp jáne Telegram messendjerleri basqa qatysýshylardy tartýǵa shaqyrǵan eken. 2023 jyldyń qańtarynan beri bul qarjy pıramıdasyna 130 adam tartylǵan.
Qazir osy aıtylǵan oqıǵalar boıynsha tergeý jalǵasýda.
