Nurbaqyt Moldahmetuly 1983 jyly týǵan. Ulty qazaq, bilimi joǵary.
2002 jyly Q. Muńaıtpasov atyndaǵy respýblıkalyq sport kolledjin «Dene shynyqtyrý jáne sport»;
2007 jyly M.Tynyshbaev atyndaǵy Qazaq kólik jáne kommýnıkasııalar Akademııasyn «Keden isi»;
2007 jyly Qazaq sport jáne týrızm akademııasyn «Dene shynyqtyrý mádenıetiniń oqytýshysy, kúres jattyqtyrýshysy»;
2009 jyly M.Tynyshbaev atyndaǵy Qazaq kólik jáne kommýnıkasııalar Akademııasyn «Kólikti paıdalaný jáne tasymaldaýdy, qozǵalysty uıymdastyrý»;
2014 jyly Qazaq sport jáne týrızm akademııasyn «Pedagogıka ǵylymynyń magıstri» mamandyqtary boıynsha bitirgen.
Eńbek jolyn 2001 jyly Qazaqstan Respýblıkasynyń grek-rım kúres federasııasynyń sport-nusqaýshysy bolyp bastaǵan.
Ár jyldarda Astana qalasyndaǵy Ulttyq shtattyq komandalar jáne sport rezervi dıreksııasynyń grek-rım kúresinen sport-nusqaýshy, Qazaqstan Respýblıkasynyń Ishki ister organdarynda, Almaty qalasynyń dene shynyqtyrý jáne sport basqarmasynyń №12 olımpıadalyq rezervtegi mamandandyrylǵan balalar men jasóspirimder mektebiniń ádiskeri, dırektordyń oqytý-sport jumystary boıynsha orynbasary, Almaty oblystyq joǵary sport sheberligi mektebiniń dırektory qyzmetterin atqarǵan.
2018 jyldyń qazan aıynan Almaty oblysynyń dene shynyqtyrý jáne sport basqarmasy basshysy laýazymyn atqaryp kelgen.
Nurbaqyt Moldahmetuly - grek-rım kúresiniń palýany, jastar arasynda álem chempıony (Ystanbul, 2003 jyl), 2008 jylǵy Beıjiń Olımpıadasynyń kúmis júldegeri, 2009 jylǵy Álem chempıonatynyń qola júldegeri, Azııanyń eki dúrkin chempıony, Qazaqstannyń eńbek sińirgen sport sheberi. «Qurmet» ordeniniń ıegeri.
