Kólik aǵynyn tómendetý maqsatynda Jumysshylar kentinde temirjol arqyly ótetin jańa avtomobıl kópirin salý josparlanyp otyr. Jobanyń quny - 5,9 mlrd teńge. Jalpy uzyndyǵy - 427 metr. Bıyl «Qýatty óńirler - el damýynyń draıveri» ulttyq jobasy aıasynda birqatar jobalardy qolǵa alý josparlanýda.
Budan ári mınıstr «SEVKAZENERGO» AQ Petropavl JEO-2-de boldy. Búgingi tańda kásiporynda 12 qazandyq jáne 7 týrboagregat bar. Tozý 53,5%-dy quraıdy.
2023 jylǵa arnalǵan bekitilgen tarıfter sheńberinde jergilikti atqarýshy organdarmen birlesip Kásiporynnyń ınvestısııalyq baǵdarlamasy kelesi bólimder boıynsha túzetildi:
- 424 mln teńgege qazandyq agregatyn qaıta salý;
- 740 mln teńgege qazandyq agregatyn kúrdeli jóndeý;
- JEO-2 týrboagregatyn 617 mln teńgege qaıta jańartý;
- qazandyqty 156 mln teńgege aýystyrý.
Aıta ketsek, kásiporynnyń óndiristik qyzmetkerleriniń jalaqysy shamamen 40%-ǵa ósti. Qazir munda 676 adam jumys istep júr.
Álibek Qýantyrovtyń aıtýynsha, mınıstrlik «Tarıfti ınvestısııaǵa aıyrbastaý» baǵdarlamasyn júzege asyryp jatyr. Búkil el boıynsha 62 myń shaqyrym ınjenerlik jelini jańǵyrtýǵa shamamen 3 trln teńge ınvestısııa tartylady dep boljanyp otyr. UEM-niń málimetteri boıynsha, bul jelilerdiń tozýyn 2029 jylǵa qaraı 20%-ǵa tómendetýge múmkindik beredi.
«Júrgizilip jatqan barlyq sharalar apattar men jeliden ajyratýlardyń sanyn tómendetýge, shyǵyndardy azaıtýǵa múmkindik beredi. Bul óz kezeginde kórsetiletin qyzmetterdiń sapasy men senimdiligin jaqsartady», dedi mınıstr.
Sondaı-aq UEM basshysy «RımKazAgro» JShS qaǵaz ónimderin shyǵaratyn fabrıkanyń jumysymen de tanysty.
Qaǵaz ónimderiniń óndirisi jylyna 5 myń tonnany quraıdy. Salynǵan ınvestısııa kólemi - 2,5 mlrd teńge. Jobaǵa «Qarapaıym zattar ekonomıkasy» baǵdarlamasy sheńberinde sýbsıdııa berildi.
Fabrıka «Radýga» kópsalaly kompanııasynyń quramyna kiredi. Jalpy aýdany 37 ga bolatyn ındýstrıaldyq keshende buǵan deıin halyq tutynatyn taýarlar men azyq-túlik ónimderin shyǵaratyn birneshe kásiporyn iske qosylǵan edi. Qazirgi ýaqytta óńir halqyn kókónis ónimderimen jyl boıy qamtamasyz etý maqsatynda jylyjaı kesheniniń belsendi qurylysy júrip jatyr. Jobaǵa ınvestısııalar 7,2 mlrd teńgeni qurasa, onyń ishinde 1,4 mlrd teńgesi - menshikti qarajat.
