Foto: Ashat Oralovtyń telegram paraqshasy
«Jaqynda bizdiń mınıstrlik aqyn shyǵarmalarynyń eki tomdyq jınaǵyn shyǵaryp, Astanadaǵy Ulttyq kitaphanada tusaýkeserin uıymdastyrǵan bolatyn. Sondyqtan biz osy kitaptardy óńirlerge taratyp, barsha qazaqstandyqtarǵa qoljetimdi bolýy úshin kúsh salamyz», dedi óziniń telegram paraqshasynda Ashat Oralov.
Mádenıet jáne sport mınıstri Pavlodar oblysynyń Baıanaýyl aýdanynda ótken ǵulamanyń 165 jyldyǵyna arnalǵan is–sharalarǵa toqtala kele: «QR Parlamenti Májilisiniń Spıkeri Erlan Qoshanov Memleket basshysy Qasym-Jomart Toqaevtyń quttyqtaý hatyn oqyp, saltanatty is-sharany ashty. Esterińizge salaıyn, sanaýly kún buryn ǵana Prezıdent Pavlodar oblysyna kelip, mańyzdy tapsyrmalary qalaı oryndalyp jatqanyn jeke baqylap ketken edi», dep atap ótti.
«Mundaı is-sharalardyń maqsaty - halqymyzdyń uly tulǵalarynyń rýhanı murasyn saqtaý jáne nasıhattaý. Máshhúr Júsip Kópeıuly qazaq mádenıetine úlken úles qosyp, ulttyq qundylyqtarymyzdy nyǵaıtý úshin eńbek etti. Mundaı adamdar, sózsiz, búkil qazaq halqynyń maqtanyshy. Sondyqtan bizdiń mınıstrlik asyldarymyzdan qalǵan mol murany bolashaq urpaqqa jetkizý baǵytynda jumysyn odan ári jalǵastyrady», dep jazdy mınıstr óziniń telegram paraqshasynda.
