Foto: Úkimettiń baspasóz qyzmeti
Birinshi kezekte Úkimet basshysy oqıǵa saldarynan qaza tapqan kenshilerdiń týystary men jaqyndaryna kóńil aıtty.
Qaraǵandy oblysynyń ákimi Ermaǵanbet Bólekpaev 17 tamyzda saǵat 10:05-te shahtada konveıerlik taspanyń tutanýy oryn alǵanyn baıandady. Jedel áreket etý sheńberinde apatty joıý jospary dereý iske qosylyp, jumysshylardy jer ústine shyǵarý uıymdastyryldy. Oqıǵa bolǵan kezde shahtada 227 adam bolǵan. Saǵat 13:50-degi jaǵdaı boıynsha 222 kenshi jer ústine shyǵaryldy. Shahtada qatty tútinniń bolýyna baılanysty taǵy bes kenshi shyǵa almady.
Qutqarý jumystary barysynda saǵat 17:20-da bir kenshiniń denesi tabyldy. 18 tamyzda saǵat 08:10-da joǵalǵan ekinshi kenshiniń denesi tabyldy. Qazirgi ýaqytta taǵy úsh kenshini izdeý jumystary jalǵasyp jatyr.
Temperatýranyń joǵary bolýyna, shahtany tútin basýyna jáne sáıkesinshe, óndiris ornynyń qol jetimsizdigine baılanysty órt oshaǵy áli de oqshaýlanbaǵan. Qazirgi ýaqytta shyqqan órtti shahtanyń ózge jaǵynan sóndirý boıynsha sharalar júrgizilip jatyr.
Densaýlyq saqtaý birinshi vıse-mınıstri Tımýr Sultanǵazıevtiń habarlaýynsha, apat saldarynan 13 adam zardap shekken. Olardyń toǵyzy ýly gazdarmen ýlanyp, onyń ishinde aýyr dárejede ıis tıip, H.J. Maqajanov atyndaǵy kópsalaly aýrýhanaǵa jetkizildi. Búginde eki shahter jan saqtaý bóliminen aýystyryldy. Naýqastardyń jaǵdaıy – ortasha aýyrlyq dárejede, turaqty. Esterin biledi. Aýyr ıntoksıkasııa sındromy men ensefalopatııa jaǵdaıdy aýyrlatyp tur. Gemodınamıkalyq kórsetkishter turaqty.
Taǵy tórt adam Shahtınsk qalasynyń ortalyq aýrýhanasyna jetkizildi. Eki adam ambýlatorııalyq emdelýge jiberildi, taǵy eki adam stasıonarlyq em qabyldap jatyr, olardyń jaǵdaıy – ortasha aýyrlyq dárejede.
Keńes qorytyndysy boıynsha Premer-mınıstr «Qazaqstan» shahtasyndaǵy apattyń sebepterin jan-jaqty tekserý úshin komıssııanyń jumysyn sapaly qamtamasyz etýdi jáne zardap shekken otbasylarǵa barlyq qajetti kómekti kórsetýdi tapsyrdy.
Álıhan Smaıylov tıisti sheshimder qabyldaý úshin TJM men Ekologııa jáne tabıǵı resýrstar mınıstrlikterine «ArselorMıttal Temirtaý» AQ-da júrgizilip jatqan ónerkásip jáne ekologııalyq aýdıtterdi jedel aıaqtaýdy talap etti.
