Almatyda ótken baspasóz máslıhatynda grek-rım, erkin jáne áıelder kúresinen ulttyq quramanyń bas bapkerleri men Qazaqstan kúres federasııasynyń ókilderi balýandardyń daıyndyǵy týrasynda aıtty.
Grek-rım kúresinen ulttyq quramanyń bas bapkeri Iýrıı Melnıchenko 60 kelide Aıdos Sultanǵalı, 67 kelide Mereı Bekenov, 77 keli Azat Sadyqov, 87 kelide Nursultan Tursynov, 97 kelide Syrlybaı Oljas, 130 kelide Álimhan Syzdyqovty Qytaıda kúrestirmek.
Áıelder kúresinen ulttyq quramanyń bas bapkeri Qaırat Saǵadıev 50 kelide Svetlana Ankıcheva, 53 kelide Marına Sedneva, 57 kelide Emma Tısına, 62 keli salmaqta Irına Kýznesova, 68 kelide Elena Shalygına, 76 keli salmaqta Jámıla Baqbergenova úmitti aqtaıdy dedi. Erkin kúresten 57 kelide Rahat Qaljan, 65 kelide Muhtar Sanjar, 74 kelide Darhan Esenǵalı, 86 keli salmaqta Azamat Dáýletbekov, 97 kelide Álisher Erǵalı, 125 keli salmaqta Iýsýp Batyrmyrzaev beldesedi. Bas bapker Madııar Quramysov tórt jylda bir aınalyp soǵatyn jazǵy Azııa oıyndarynda osy jigitterge úmit artyp otyr.
