Foto: https://qazaqstan.tv/
Memleket basshysynyń bıylǵy Joldaýynda týrızm salasynyń máselesi de shet qalmady. Biz týrızmdi jolǵa qoıý úshin joldy durys tegisteýden, kedir-budyryn bútindeýden bastaýymyz kerek. Ulan-ǵaıyr jerimizde týrızmdi óristetip, kórikti mekenimizdi týrısterge kórsetýde joldyń aýyrtpalyǵy aıtarlyqtaı seziledi.
Mysaly Túrkistannan shyqqan týrıst Sharyndy kórýi úshin bir kún jol júredi. Alakóldiń sýynan saıa izdep, batpaǵynan shıpa surap barýshylardy oıdym-oıdym joldyń shuńqyry sileletip tastaıdy. Basqa da máseleler shash-etekten. Joldaýda qamtylǵan túıtkildiń túıini ýaqytynda sheshilýi kerek, atqarýshy oryndar soǵan bilek sybana kirisse endi.
Joldaýda aýyl sharýashylyǵyn damytý jaıy da qamtyldy. Júzege asyrylyp kele jatqan aýyl sharýashylyǵy salasyna qatysty baǵdarlamalar orta jolda úzilip qalmaýy tıis. Prezıdent ataǵan mashına-traktor parkiniń ábden tozyǵy jetse, aýylsharýashylyǵy salasynyń tehnıkasy eskirmeı qaıtedi? Prezıdenttiń aıtqan syn-eskertpesi eskerilip, júktelgen mindettemeler ýaqytynda oryndalsa bolǵany.
Dýlat ISABEKOV,
Qazaqstannyń Eńbek Eri,
jazýshy, dramatýrg
