Alǵashqy quttyqtaý sózdi mektep dırektory Ǵanı Baqytuly bastap, «Altyngúl Momysqyzynyń atyna aýdıtorııa berýdi ujymdyq pedagogıkalyq keńeste uıǵardyq. Oqýshy júregińe jol tapqan ustaz qandaı bolatynyn kórsetý maqsatynda osyndaı is-shara uıymdastyrdyq» deı kele, Bilim kúnimen jáne aýdıtorııanyń ashylýymen quttyqtap, ardaqty ustazǵa myqty densaýlyq, uzaq ǵumyr tiledi.
«Bizdiń kafedra birneshe jyldan beri osy mekteppen birlesip jumys istep kele jatyr. Bul bilim ordasy shákirt tárbıeleýde úlken úles qosyp jatyr, osy jaǵynan bizge óte jaqyn, sonyń ishinde aty men zaty ózińe saı Altyn apaı - qıyn kezde jol taba biletin, shákirt júreginen oryn alǵan ustaz. Bolashaq taǵdyrymyz bilimde. Ujym Altyn apaıdyń jolyn jalǵastyrsyn, qazaqtyń ǵylym keńistigi neǵurlym keńeıe bersin dep tileımin», dedi L.N.Gýmılev atyndaǵy EUÝ «Qazaq til bilimi» kafedrasynyń professory, fılologııa ǵylymdarynyń doktory Bekjan Ábdýálıuly.
Astana qalasynyń bilim basqarmasy ádistemelik ortalyǵynyń basshysy Syndar Muratqyzy da quttyqtaý sóz sóılep: «Ahmet Baıtursynulynyń esimimen atalǵan bul mektep - kıeli, atamyzdyń árýaǵy qoldasyn. Kóp kórgennen sura degendeı, sizden alyp jatqanymyz óte joǵary, dárishana ashylyp qana qoımaı, sizdiń ómirlik tájirıbeńizdi ustazdar qaýymy jalǵastyra bersin, biz qazaqtyń sózin túsinetin urpaq tárbıeleýimiz kerek, eshqandaı Oksford ýnıversıtetin oqymaı-aq ata-babalarymyz barlyǵyn zerttep aıtyp ketken, sony ary qaraı jalǵastyryp otyrsyz», dedi.
Ol sondaı-aq «Syn turǵysynan oılaýdyń úlken tehnologııasy» trenerligin elden buryn jasaǵan A.Momysqyzynyń synı oılaý, ómirde alǵan bilimdi paıdalana bilý turǵysynda muǵalimderdi baǵyttaıtyn ádisker trener ekenin atap ótti.
L.N.Gýmılev atyndaǵy EUÝ «Qazaq til bilimi» kafedrasynyń professory, fılologııa ǵylymdarynyń doktory Bekjan Ábdýálıuly men Astana qalasy ákimdiginiń «Ádistemelik ortalyǵy» MKQK ádiskeri Kúnimbala Iztileýqyzy aýdıtorııanyń qyzyl lentasyn kesti.
Saltanatty is-sharaǵa aǵylshyn tiliniń oqytýshysy, aýdarmashy, «Habar 24» telearnasynyń tilshisi ári veloshabandoz, Qazaqstannyń 2 dúrkin rekordshysy Ernat Melsuly, «Qazaq radıosynyń» redaktor-júrgizýshisi Tolqyn Sultanqyzy jáne qala mektepteriniń ustazdary, oqýshylary, ata-analary qatysty.
Ashylý rásiminen keıin jıynǵa qatysýshylar nazaryna bar ǵumyryn bala oqytyp, shákirt tárbıesine arnaǵan ardaqty ustazdyń eńbek joly jóninde tyń derekter usynyldy.
Altyn Momysqyzynyń 50 jyldyq ustazdyq eńbek jolynda jetken jetistikterin aıta keteıik. Ol eńbek jolyn Taraz qalasynda M.Gorkıı atyndaǵy mektepte bastaǵan. Sol kezeńderde-aq onyń mekteptegi tynymsyz eńbegi bastalyp ta ketken edi. Jas talanttyń tógilgen teri aqtalyp, 1986 jyly 20 tamyzda KSRO Joǵarǵy Keńes Prezıdýmynyń Jarlyǵymen nebári 33 jasynda bilim salasyndaǵy jetken jetistikteri men qoǵamdyq jumysta atqarǵan qyzmeti úshin «Qurmet belgisi» ordenimen marapattalǵan.
Oqytýdyń ozyq tehnologııasyn úırenip, taǵylymdamadan ótip, «Halyqaralyq dárejedegi ádisker» atanady.
Abaı oqýlarynda shákirti Turarbek Maǵjan jeńimpaz atandy. Ulylar mekenine saıahat ekspedısııasymen Uly Abaı eline barý qurmetine ıe boldy.
2020 jyly mektepke ult ustazy Ahmet Baıtursynuly aty beriledi. Záýre Jakanovna bastaǵan, úzeńgiles áriptesi Altyn ustaz qoldaǵan mektep ujymy uly tulǵanyń ómirin zerttep-zerdelep mýzeı ashty. Bir jyl boıy sol mýzeıdiń jetekshisi bolǵan Altyn Momysqyzy tynymsyz eńbek etip, mýzeı qorynyń damýyna zor úles qosty.
Mektepte jarty ǵasyrǵa jýyq eńbek etken ulaǵatty ustaz Altyngúl Momysqyzy - bar baqytyn bala oqytyp, tárbıeleýden tapqan ardaqty jan. Qazir qoǵamda ǵylym men tehnıka damyp, aqparattar aǵyny údegen kezeńde oqýshylardyń kórkem ádebıetter oqymaýy Altyn ustazdy tolǵandyrdy. Nátıjesinde 5-8 synyptarǵa arnalǵan «Otbasylyq saýattylyq» oqý jobasy jasalynyp, baǵdarlamasy quryldy. Respýblıkalyq avtorlyq baǵdarlamalar konkýrsynyń jeńimpazy Altyn Momynqulovanyń «Otbasylyq saýattylyq» avtorlyq baǵdarlamasy respýblıkaǵa tanymal. «Otbasylyq saýattylyq» oqý klýby Astana qalasy, BBJKBA QDI ǵylymı keńesinde maquldanǵan.
Prezıdentimiz Qasym-Jomart Toqaevtyń Ulttyq qoǵamdyq senim keńesinde bergen tapsyrmasyna sáıkes BǴM «Oqýǵa qushtar mektep» jobasyn bekitken bolatyn. Joba aıasynda 4 baǵyt boıynsha jumystar júzege asyryldy. Ulaǵatty ustazdyń oqýshylary men ata-analary birlese kitapqa qushtar bolyp, talaı jeńiske jetti. О́tken oqý jylynyń qorytyndysy boıynsha «Oqýǵa qushtar mektep» jobasymen mektepte ótkizilgen saıysta ustazdyń shákirti 8 synyp oqýshysy Narul Ahatuly jeńiske jetti.
Shara sońynda Altynkúl Momysqyzy sóz alyp, oqýshyǵa, ustazǵa, ata-anaǵa aýdıtorııanyń paıdasy tıip jatsa, úmittiń aqtalǵany dep oılaımyn deı kele, osy aýdıtorııanyń muǵalimge, ata-anaǵa, oqýshyǵa nendeı paıdalary bar ekenine toqtalyp, aýdıtorııanyń ashylý maqsatyn aıtyp ótti. Aýdıtorııada uztazdardyń, oqýshylardyń, ata-analardyń kómekterimen jınalǵan 120 kitap bar ekenin atap, aldaǵy ýaqytta taǵy da kitaptarmen tolyqtyrylatynyn tilge tıek etti. Aýdıtorııanyń birneshe paraqshadan turatyn tujyrymdamasyn taratyp, sharaǵa kelgenderdiń barlyǵyna rızashylyǵyn bildirip, alǵys aıtty.
