Foto: Almaty ákimdigi. Instagram
Avtobýstar halyqaralyq qaýipsizdik standarttary men tehnıkalyq talaptarǵa sáıkes keledi: apattyq shyǵý múmkindigi bar, qaýipsizdik beldikteri, múmkindigi shekteýli balalarǵa arnalǵan pandýs, órt qaýipsizdigi júıesi bar. Balalardy tasymaldaý kezinde avtobýsta muǵalim bolady.
Aıta ketsek, jańa oqý jylynda Almatyda birinshi synypqa barǵan 30 myńnan astam bala 323 mektepte oqıdy, onyń 215-i memlekettik jáne 108-i jekemenshik. Bilim kúni qalada 10 jańa mektep ashylǵan. Atap aıtqanda, Túrksib aýdanynyń Qaırat yqsham aýdanyndaǵy №211 memlekettik mektep jáne 3000 oryndyq 9 jekemenshik mektep bar. Eki bilim oshaǵy – №48 jáne 9 mektep keńeıtilgen, jyl sońyna deıin №148 mektepte 300 oryndyq qosymsha ǵımarat salý jumystary aıaqtalmaq.
