Buǵan deıin Maıkl Rýker «Júrip júrgen máıitter» telehıkaıasyndaǵy Merl Dıksonnyń protezdik qoly bar adam rólimen tanymal bolǵan. Sondaı-aq Rýker «Naǵyz detektıv» fılminiń úshinshi maýsymynda da jankúıerlerdiń nazaryna ilikken.
Jalpy, Maıkl Rýker harızmatıkalyq qosalqy keıipkerlerdiń kóptegen rólderimen belgili. Onyń 35 jyldan astam fılmografııasynda «Jankeshtiler jasaǵy: Syrtqa ushyrtý mıssııasy» (Shon Gann Laska rólin somdaýshy retinde qatysty, qazirgi DC Studios birlesken dırektory Djeıms Gann rejısserlik etti), «Forsaj 9» jáne «Forsaj 10», Olıver Stoýnnyń «Djon F. Kennedı. Dallastaǵy atys», «Mıssısıpı órt qushaǵynda», «Teleport», «Ofıs» eksperımenti» (onda Shon Gann da oınady), «Qanisherlermen aýystyrý», Tom Krýzben «Naızaǵaı kúnderi» jáne Sılvestr Stallonemen «Skololaz» atty birge oınaǵan jobalary bar. Sondaı-aq Rýker túsken telehıkaıalarynyń arasynda atap ótetinderi: «C. S. I.: Maıamıdegi qylmys orny», «Zań jáne tártip», «Qylmysker sııaqty oılaý» jáne «Múmkin bolýdan tys».
Aıta ketsek, Maıkl Rýker Call of Duty beıne oıyndaryn jasaýǵa qatysqan edi.
Is-shara barysynda Maıkl Rýker jankúıerlermen júzdesip, festıval qonaqtaryna qoltańba sessııasyn ótkizedi dep josparlanyp otyr.
Comic Con Astana - komıkster, kınematografııa, beıne oıyndar, anıme jáne qazirgi zamanǵy tanymal mádenıettiń ózge de baǵyttaryna arnalǵan halyqaralyq festıval.
Budan bólek, 16-17 qyrkúıek aralyǵynda «Maıor Grom: Oıyn» fılminiń avtorlarymen, qatysýshylarymen tanysý, qoltańba sessııasyn ótkizý jáne «Túsindirgishter» anımasııalyq serıalyn tamashalaý josparlanyp otyr.
Is-sharanyń qonaqtary «Maıor Grom: Oıyn» fılminiń jasaýshylary bolady, olardyń arasynda Sergeı Goroshko, Aleksandr Seteıkın, Matveı Lykov, Oleg Trofım, Artem Gabrelıanov jáne Mıhaıl Kıtaev bar.
Sondaı-aq 17 qyrkúıekte festıval qatysýshylary «Túsindirgishter» anımasııalyq serııalynyń jasaýshylary: Syendýk, Egor Loskýtov jáne Evgenıı Blınnıkovke jeke suraqtaryn qoıa alady.
Festıvalde qatysýshylarǵa ártúrli keıipkerlerge degen súıispenshilikterin bildirýge múmkindik beretin kospleı baıqaýy ótedi. Jalpy júlde qory 10 mıllıon teńgeni quraıdy.
Bıylǵy baǵdarlamanyń jańalyqtarynyń qataryna anıme men mangadan J-Pop jáne K-Pop-qa deıingi azııalyq pop-mádenıetke arnalǵan Pop Asia taqyryptyq kórme aımaǵyn biriktirý kiredi.
Taǵy bir jaǵymdy jańalyq - is-sharaǵa «Sýpermen» úshtemesi, Gaı Rıchı jasaǵan «Revolver» men Emır Kýstýrısa jasaǵan «Andergraýnd» sekildi fılmderge qatysqan Fransııa kınoprodıýseri Per Spengler qatysady.
Sondaı-aq, Konventte tehno-gıkterge arnalǵan ınteraktıvti aımaq qurý josparlanýda, onyń sheńberinde oıyn óndirýshilerinen túrli mazmun usynylady.
Festıvaldiń barlyq qonaqtary úshin fýd-korttyń jumysy uıymdastyrylady, al eń kishkentaı kelýshiler úshin Arsenal Kids balalar qalashyǵy jumys isteıdi, onda sheberhanalar, ústel oıyndary, bet boıaýy, tvıster jáne basqa da oıyndar qoljetimdi bolady.
Comic Con Astana bıletteri resmı www.comicconastana.kz saıtynda da, ticketon.kz, sxodim.kz, iticket.kz pen «Iаndeks.Afısha» qyzmetinde de satylady.
