Foto: facebook.com
«Barshaǵa belgili, jyljymaıtyn múlikti nemese kez kelgen basqa múlikti qaıta tirkeýge arnalǵan árbir mámile úshin aldymen jubaıynyń notarıaldy kýálandyrylǵan kelisimin alý qajet. 2022 jyly notarıýs arqyly erli-zaıyptylardyń 800 myńǵa jýyq kelisimi berilgenin bilesiz be? Bul ár juptyń kem degende bir saǵatyn alady. Sondaı-aq erli-zaıyptylardyń birine jumystan shyǵýǵa ruqsat etilmegen nemese olardyń bireýi basqa qalada bolatyn jaǵdaılar bar. Endi eGov mobile qosymshasynda erli-zaıyptylardyń notarıaldy túrde rastalǵan kelisimin berýge bolady», dedi mınıstr.
Fýnksııa Sıfrlyq damý mınıstrligi, Ádilet mınıstrligi jáne Respýblıkalyq notarıattyq palatanyń birlesken jumysynyń arqasynda qoljetimdi boldy.
Qyzmetti qoldanbanyń ishindegi «eNotary» qyzmetinen tabýǵa bolady. Bul fýnksııa qazaqstandyqtarǵa notarıýsqa barmaı-aq qaǵaz nusqasyn alyp tastaı otyryp, notarıattyq qujattardy birneshe mınýt ishinde kýálandyrýǵa múmkindik beredi.
Kelisim bıometrıkalyq tekserýden ótý kómegimen onlaın júrgiziledi, sodan keıin notarıýs klıenttiń derekterin tekseredi, budan ári kelisim rastalǵannan keıin notarıaldy kýálandyrylǵan qujat rásimdeledi.
Erli-zaıyptylardyń kelisimin alý úshin sizge:
- eGov Mobile qosymshasyna kirý;
- basty bette «eNotary» qyzmetin ashý;
- tizimnen «kelisim» áreket túrin tańdaý;
- ótinish formasyn toltyrý jáne bıometrııalyq tekserýden ótý;
- beıneqońyraý arqyly jubaıyńyzdyń kelisimin alý;
- notarıaldyq qyzmetke aqy tóleý qajet.
Beıneqońyraý aıaqtalǵannan keıin paıdalanýshy «Notarıattyq is-áreketter» bóliminde ótinishtiń kúıin kórý múmkindigine ıe bolady.
EGov Mobile mobıldi qosymshasynyń «Sıfrlyq qujattar» bólimindegi QR kodyn skanerleý arqyly beınekameranyń kómegimen resmı kýálandyrylǵan senimhattyń túpnusqalyǵyn tekserýge bolady. Qalyptasqan senimhat «sıfrlyq qujattar» servısinde qoljetimdi jáne ony talap etý orny boıynsha usynýǵa bolady.
