Foto: abai.kz
Jazýshy, dramatýrg Oralhan Bókeı 1943 jyldyń 28 qyrkúıeginde Shyǵys Qazaqstan oblysy, Katonqaraǵaı aýdany, Shyńǵystaı aýylynda dúnıege keldi. 1968 jyly Almaty qalasyna qonys aýdaryp, 1993 jyly Úndistanda saparda júrip, kenetten qaıtys boldy.
QazMÝ-dy 1969 jyly bitirdi. Shyǵys Qazaqstan oblysynyń Úlken Naryn (Bolshenarym) aýdanynda «Eńbek týy» gazetinde korrektor, aýdarmashy, redaktordyń orynbasary, Shyǵys Qazaqstan oblysy «Kommýnızm týy» (qazirgi «Dıdar» gazetinde) ádebı qyzmetker, keıin «Lenınshil jas» (qazirgi «Jas Alash») gazetinde, «Juldyz» jýrnalynda bólim meńgerýshisi, «Qazaq ádebıeti» gazetinde bas redaktordyń orynbasary, bas redaktory qyzmetin atqardy.
«Meniń povesterimdegi, áńgimelerimdegi barlyq sıýjetter týǵan jer týraly estelikter, jastyq shaqtaǵy bolǵan oqıǵalarmen baılanysty. Meniń jerlesterim qazaqtar – minezderi bir qalypty, adal jáne júrekteri ashyq adamdar. Áıteýir, ne jazsam da óz zamanymdy, sol zamanda taban et, mańdaı terin jumsap júrgen qarapaıym eńbek adamdaryn tilge tıek etýge tyrystym», degen O. Bókeı bala kúninen jazýshy bolýdy armandap, Qatonqaraǵaıdyń kórikti meken, tumsa tabıǵatqa kende emes ekenin sózben sýrettedi.
«Úrker» (1971 j.), «Qaıdasyń qasqa qulynym» (1973 j.), «Muztaý» (1975 j.). Jazýshynyń orys tiline aýdarylǵan áńgime-povesteriniń jınaǵy: «Jasynnyń izi» – «Sled molnıı» (1978 j.), «Án salady shaǵyldar» – «Poıýshıe barhany» (1981 j.), «Saıtan kópir» – «Krık» (1984 j.), «Zymyraıdy poezdar» – «Poezda prohodıat mımo» (1985 j.), «Kisikıik» – «Chelovek – Olen» (1987 j.) kitaptary jaryq kórdi.
Qalamgerdiń eńbekteri álemniń birneshe tiline aýdarylyp jarııalandy.
«Qulynym meniń» pesasy úshin 1976 jyly Qazaqstan Respýblıkasy Jastar syılyǵynyń laýreaty atandy. 1978 jyly «Naızaǵaı izi» povesteri men áńgimeleri úshin N. Ostrovskıı atyndaǵy Búkilodaqtyq ádebı syılyqty aldy. 1986 jyly 43 jasynda «Bizdiń jaqta qys uzaq» povesteri men áńgimeleri úshin Abaı atyndaǵy Qazaqstan Respýblıkasynyń Memlekettik syılyǵy berildi.
Úndistanǵa saparmen barǵan jazýshynyń júregi Delı qalasyndaǵy qonaqúıde 1993 jyldyń 17 mamyrynda soǵýyn toqtatty.
