Forým • 01 Qazan, 2023

Álemdik jáne dástúrli din kóshbasshylary elordada bas qosady

290 ret

kórsetildi

1 mın

oqý úshin

Qazir Astanada Sezdiń HHI hatshylyǵyna daıyndyq júrip jatyr. 11 qazanda Qazaqstannyń bas shaharynda ıslam, hrıstıan, býddızm, ıýdaızm, ındýızm, daosızm, sıntoızm sııaqty álemdik jáne dástúrli dinderdiń ókilderi Ulybrıtanııa, AQSh, Vatıkan, Mysyr, Ázerbaıjan, Pákistan, Iran, Izraıl, Qytaı, Mońǵolııa, Japonııa, Úndistan syndy 24 elden qatysady.

Egemen Qazaqstan

Álemdik jáne dástúrli din kóshbasshylary elordada bas qosady

Olardyń qatarynda ál-Azhar akademııasynyń bas hatshysy Nazır Aıad, Kavkaz musylmandary basqarmasynyń tóraǵasy sheıh Pashazade, Ierýsalım patrıarhy Feofıl III, Dúnıejúzilik býddıster qaýymdastyǵynyń bas hatshysy Montıan Tananart, sondaı-aq basqa da dinı jetekshiler, saıası qaıratkerler, halyqaralyq uıymdardyń ókilderi jáne álemdik jetekshi BAQ ókilderi qatysady.

Sezd Hatshylyǵynyń HHI otyrysyna Qazaqstan Respýblıkasy Parlamenti Senatynyń Tóraǵasy, Sezd Hatshylyǵynyń meńgerýshisi Máýlen Áshimbaev tóraǵalyq etedi.

Kún tártibindegi basty másele – VII Sezde Memleket basshysy Qasym-Jomart Toqaevtyń bastamasymen kóterilgen Álemdik jáne dástúrli dinder lıderleri Seziniń 2023 – 2033 jyldarǵa arnalǵan damý tujyrymdamasyn talqylaý jáne qabyldaý.

Foto

Atap óteıik, forýmnyń jumys organy bolyp tabylatyn Sezd Hatshylyǵy jyl saıyn Sezd sheshimderin júzege asyrý úshin jınalady. Hatshylyq 2003 jyly 23-24 qyrkúıekte Astana qalasynda ótken Álemdik jáne dástúrli dinder kóshbasshylarynyń birinshi Sezine qatysýshylardyń sheshimimen qurylǵan.

Bıyl biregeı halyqaralyq alań – Álemdik jáne dástúrli dinder lıderleriniń Sezine 20 jyl tolyp otyr.