Foto: Oqý-aǵartý mınıstrligi
Atalǵan vedomstvonyń baspasóz qyzmeti habarlaǵandaı, óńirlik irikteýlerge qatysýǵa elimizdiń barlyq mektepteriniń oqýshylary kelesi sanattar boıynsha shaqyrylady:
- FIRST LEGO League Explore (6-10 jas);
- FIRST LEGO League Challenge (10-16 jas);
- FIRST Tech Challenge (12-18 jas).
Esterińizge salsaq, byltyr bul jarysqa elimizdiń túkpir-túkpirinen 10 000-nan astam oqýshy qatysqan. Al Hıýstonda ótken álemdik kezeńge 50-ge jýyq Qazaqstan oqýshysy baryp, elge úsh birdeı júlde alyp kelgen.
«FIRST in show chempıonatynyń jańa maýsymy óner taqyrybyna arnalǵan jáne STEM arqyly oqýshylardyń shyǵarmashylyq áleýetin damytýǵa baǵyttalǵan. Ulttyq chempıonatqa biz komandalardy eki kezeńde irikteıtin bolamyz: áleýmettik jeliler arqyly onlaın irikteý jáne óńirlik irikteý jarystary ótkiziledi. Bıyl Qazaqstannyń barlyq 17 oblysynda jáne respýblıkalyq mańyzy bar 3 qalada óńirlik irikteý júrgizemiz. Sondaı-aq aýyl mektepteriniń oqýshylaryna erekshe nazar aýdarǵymyz keledi», dedi USTEM Foundation qorynyń negizin qalaýshy Nurdáýlet Dosmaǵambet.
Aıta ketsek, jarysqa qatysý tegin. Elimizdiń barlyq derlik mektepterinde qatysýǵa qajetti qural-jabdyqtar bar. Saıys erejesi firstrobotics.kz saıtynda jarııalandy.
