Foto: Air Astana
«Búgin saǵat 08:00-de Air Astana ushaǵy Almatydan Tel-Avıvke ushty. Ushaq Almatyǵa jergilikti ýaqyt boıynsha shamamen 23:45-te qaıta keledi», delingen habarlamada.
Esterińizge sala keteıik, palestınalyq HAMAS toby senbi kúni Izraılge shabýyl jasady. Saldarynan Izraıl soǵys jaǵdaıyna engenin habarlady. Sondaı-aq birqatar memleket Izraılden azamattaryn evakýasııalaýdy uıymdastyrýǵa asyǵyp jatyr.
Izraıl armııasynyń ókili dúısenbi kúni tańerteń Izraıl barlyq eldi mekenderdi baqylap otyrǵanyn jáne Izraılde qazirgi ýaqytta eshqandaı shaıqas joq ekenin aıtty. Sonymen birge ol Izraıl aýmaǵynda áli de HAMAS sodyrlary bar ekenin moıyndady.
Jaqynda Hamastyń Tel-Avıv áýejaıyn zymyranmen atqany belgili boldy. Sonymen qatar Izraıl qorǵanys mınıstri Ioav Gallant Gaza sektoryn tolyq qorshaýǵa alǵanyn, onda elektr qýaty, azyq-túlik jáne janar-jaǵarmaı joq ekenin málimdedi.
Qazaqstan Syrtqy ister mınıstrliginiń resmı ókili Aıbek Smadııarov mınıstrlik messendjerde jedel shtab pen arnaıy chat qurǵanyn, onyń quramyna Izraılde ýaqytsha jáne turaqty turatyn 200-ge jýyq Qazaqstan azamaty kirgenin aıtty.
Qazaqstan Respýblıkasy Syrtqy ister mınıstrliginiń málimetinshe, Gaza sektorynda 25-ke jýyq qazaq otbasy bar.
