Foto: Akorda.kz
Oblys ákimi Nurlybek Nálibaev jańa termınal jeke demeýshiniń qarajatyna salynyp, keıin memleket menshigine ótkiziletinin aıtty.
Aıta ketsek, jobanyń quny – 20 mıllıard teńge. Onyń ishinde 15,7 mıllıard teńge – demeýshiniń áýejaı qurylysy úshin bólgen qarjysy. Sondaı-aq jergilikti bıýdjetten áýejaıdyń syrtqy ınjenerlik-kommýnıkasııalyq ınfraqurylymyn júrgizý úshin 4,3 mıllıard teńge qarjy bólingen.
Halyqaralyq standartqa saı bolatyn áýejaıda jolaýshylarǵa qyzmet kórsetý úshin barlyq jaǵdaı jasalady. Jańa termınal kelesi jyly paıdalanýǵa beriledi. Nysan qoldanysqa berilgennen keıin jolaýshylar tasymaly bir saǵatta 250 jolaýshyǵa qyzmet kórsete alady.
Budan bólek, oblys ákimi Qyzylorda qalasynda zamanaýı úlgide salynyp jatqan avtobekettiń bıyl jyl sońynda iske qosylatynyn jáne qalanyń temirjol vokzalyna da kúrdeli jóndeý jumystary júrgizilip jatqanyn jetkizdi.
