Foto: gov.kz
Is-sharaǵa Mádenıet jáne aqparat mınıstrliginiń Din isteri komıtetiniń basqarma basshysy Erlan Esbergenov, Dinderdi zertteý ortalyǵynyń dırektory Almas Ernazarov, L.Gýmılev atyndaǵy Eýrazııa ulttyq ýnıversıtetiniń Dintaný kafedrasynyń meńgerýshisi Keńshilik Tyshhan, psıhologııa ǵylymdarynyń kandıdaty Almat Nuradınov, Din isteri basqarmasynyń bas mamany Adııa Romanova jáne elordalyq teologtar men dintanýshylar qatysty.
Atalǵan semınar Qazaqstannyń din salasy boıynsha 2021-2023 jyldarǵa arnalǵan memlekettik saıasatyn iske asyrýdyń keshendi josparyn iske asyrý aıasynda mamandardyń biliktiligin arttyrý, sondaı-aq dinı-ekstremıstik jáne destrýktıvti sıpattaǵy túrli ıdeologııalardyń taralýyn boldyrmaý maqsatynda uıymdastyrylǵan.
Semınar barysynda Astana qalasy teologtary men dintanýshylary dinı saladaǵy jumysynyń erekshelikterine toqtalyp, olardyń qyzmetinde engizilip jatqan jańa ádis-tásilder talqylandy, sonymen qatar Qazaqstan Respýblıkasynyń zańnamasy túsindirilip, qazirgi kezdegi sońǵy jańalyqtar tilge tıek etildi.
Aıta ketsek, osyndaı semınarlar dinı saladaǵy jalpy qyzmettiń tıimdiligin arttyrý aıasynda jyl saıyn uıymdastyrylady.
