Ashyq derekkóz
Biregeı joba qazir Astana men Almatyda júzege asyrylǵan. Termınaldyń arqasynda azamattar tólqujat pen jeke kýálik alýǵa ózderi ótinish bere alady. Rásimdeý barysynda klıentter eń sátti fotosýretti tańdap, memlekettik bajdy sol jerde tóleı alady. О́tinishti tapsyrý 5 mınýttan aspaıtyndaı ýaqytty talap etedi.
«Jyl basynan beri 2 mıllıonǵa jýyq azamat tólqujat pen jeke kýálik aldy. Kóptegen jyldar boıy bul qyzmet Qazaqstandaǵy eń tanymal qyzmetterdiń biri bolyp tabylady. Azamattardyń ony tez ári kezek kútpesten alýy úshin Memlekettik korporasııa QR IIM-men birlesip «Qujattamalyq termınal» jobasyn júzege asyrdy. Qazir termınaldar ornatylǵan halyqqa qyzmet kórsetý ortalyqtaryna azamattar ótinishterdiń 25 paıyzdan astamyn óz betinshe beredi», dedi Memlekettik korporasııanyń basqarma tóraǵasy Súıenish Ábdildın.
Búgingi kúni termınaldar Astanada Kereı, Jánibek Handar kóshesi, 4 jáne Almaty qalasynda, Markova kóshesi, 44 mekenjaılary boıynsha ornalasqan halyqqa qyzmet kórsetý ortalyqtarynda ornatylǵan. Jobany masshtabtaý aıasynda Astanadaǵy barlyq halyqqa qyzmet kórsetý ortalyqtarynda termınaldar ornatylyp, olardy iske qosý jumystary júrgizilip jatyr. Memlekettik korporasııanyń Basqarma tóraǵasynyń aıtýynsha, aldaǵy ýaqytta mundaı qurylǵylardy búkil Qazaqstan boıynsha ornatý josparlanyp otyr.
Aıta keter bolsaq, elordada 12-13 qazan aralyǵynda jyl saıynǵy Digital Bridge 2023 halyqaralyq IT forýmy ótip jatyr. Sonymen qatar forýmda «Qazaqstan Project Management Awards – 2023» jobalardy basqarý ulttyq baıqaýynyń qorytyndysy shyǵarylady.
