17 qazan saǵat 22:00 shamasynda Saran qalalyq polısııa bóliminiń kezekshi bólimine belgisiz bireý qońyraý soǵyp, qalaǵa qarasty eldi mekenniń mádenıet úıinde jarylǵysh zat ornatyldy dep habarlaǵan. Oqıǵa ornyna birden tártip saqshylary jiberildi.
Ǵımaratty jáne oǵan tıesili aýmaqty qaraý barysynda eshqandaı jarylǵysh zat tabylǵan joq.
Qaraǵandy oblystyq polısııa departamenti ekstremızmge qarsy kúres jáne Saran qalalyq polısııa bólimi qyzmetkerlerimen júrgizilgen keshendi is-sharalar barysynda osy iske qatysy bar degen kúdikpen 16 jastaǵy jasóspirim ustaldy. Ol bundaı iske ázil úshin barǵanyn moıyndady.
Atalǵan derek boıynsha Qazaqstan Respýblıkasy Qylmystyq kodeksiniń 273-babyna (Terrorızm aktisi týraly kórineý jalǵan habarlaý) sáıkes qylmystyq is qozǵaldy.
