ANTIKOR • 31 Qazan, 2023

Eks-sheneýnik Tımýr Toqtabaevtyń qymbat múlki tárkilenip, sottaldy

240 ret

kórsetildi

1 mın

oqý úshin

Burynǵy vıse-mınıstr Tımýr Toqtabaevqa qatysty qylmystyq isti tergeý sheńberinde memleketke Qostanaı oblysyndaǵy «Shevchenkovskoe» biregeı ken orny qaıtaryldy, dep habarlaıdy Egemen.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

Botakóz BAQBERGEN

Eks-sheneýnik Tımýr Toqtabaevtyń qymbat múlki tárkilenip, sottaldy

Foto:gov.kz

Sybaılas jemqorlyqqa qarsy is-qımyl agenttigi málim etkendeı, Memleket basshysynyń zańsyz satyp alynǵan aktıvterdi qaıtarý jónindegi tapsyrmasyn oryndaý barysynda memleketke biregeı nıkel men kobalt ken orny qaıtaryldy.

Ken ornynda nıkel (1,075 mln tonna) jáne kobalt (585,9 myń tonna) qory bar. Paıdaly qazbalar qorlarynyń quny 5,6 trln teńgeden asady.

«27 qazanda Astana qalasynyń qylmystyq ister jónindegi aýdanaralyq sotynyń T.Toqtabaevqa qatysty úkimi jarııalandy. Ol paıdaly qazbalardyń iri qorlary bar ken oryndaryn onymen úlestes tulǵalarǵa berý kezinde aýyr zardaptarǵa ákep soqtyrǵan laýazymdyq ókilettikterdi teris paıdalanǵany úshin kináli dep tanyldy», delingen Antikor habarlamasynda.

Aıta ketsek, Toqtabaevqa 7 jyl bas bostandyǵynan aıyrý jazasy taǵaıyndaldy. Sondaı-aq ol memlekettik qyzmette jumys isteý quqyǵynan, «Eren eńbegi úshin» memlekettik nagradasynan aıyryldy.

Budan bólek, onyń Almaty qalasy, Bostandyq aýdany, Kókshoqy sh/a mekenjaıy boıynsha ornalasqan jer ýchaskesi, Almaty baý-baqsha seriktestigi mekenjaıynda ornalasqan turǵyn úıi, 2021 jyly shyqqan Mercedes-Benz Maybach S580 4MATIC markaly kóligi, 2021 jyly shyqqan Bentley Bentayga V8 markaly avtokóligi, 13 kommersııalyq uıymnyń qatysý úlesi tárkilendi.