«Qoǵam Kostenko atyndaǵy shahtadaǵy qaıǵyly oqıǵaǵa kinálilerdi jaýapqa tartý qajettiligi týraly máseleni oryndy kóterip otyr. Mundaı qaıǵyly oqıǵalarǵa kináliler jeńil jazamen qutylyp ketpeýi kerek. Qylmystyq zańnama ónerkásiptik qaýipsizdikti qamtamasyz etýdiń tıimdi quralyna aınalýy tıis», dedi depýtat.
Sondaı-aq senator Qazaqstan Úkimetiniń basshysyna keleshekte mundaı qaıǵyly jaǵdaılardy joıý úshin ónerkásiptik qaýipsizdikke tıimdi tásildiń múmkindikterin qarastyrýdy usyndy.
Esterińizge sala keteıik, 28 qazanda Kostenko shahtasynda metan gazy jarylǵan edi. Jarylys tolqynynyń taralý dıapazony 2 km-den astam boldy. Qaraǵandy oblysynda qaza tapqan 46 kenshiniń barlyǵynyń máıiti tabylyp, olardyń tolyq tizimi jarııalandy.
Prezıdent Qasym-Jomart Toqaev Qazaqstan Úkimetine «ArselorMıttal Temirtaý» AQ-men yntymaqtastyqty toqtatýdy tapsyrdy. Kenshilerdiń ólimine qatysty qylmystyq is qozǵaldy. Úkimet «ArselorMıttal Temirtaý» AQ menshigin Qazaqstannyń paıdasyna berý jónindegi mámile qazirdiń ózinde aıaqtalyp jatqanyn málimdedi. Prezıdent AMT basqarýdy Qaraǵandy oblysy ákiminiń burynǵy orynbasary Vadım Basınge tapsyrdy.
