Qazaqstan quramasynyń jartylaı qorǵaýshysy negizgi quramda bolǵanymen, birinshi taımnyń sońynda jalǵyz shabýylǵa shyǵyp, qarsylas oıynshy Djerom Opokýdan «taıaq jep» qaldy. Sportshy alǵan jaraqatynan alańdy tastap ketýge májbúr boldy. Artynsha aýrýhanaǵa jatqyzyldy.
Keıin «Beshıktash» Instagram jelisinde jaraqat alǵan Zaınýtdınovtyń sýretin jarııalady.
«Bahtııor Zaınýtdınovtyń murny synǵan. Sirá, oǵan ota jasalýy múmkin. Oıyn kezinde qarsylas fýtbolshynyń shyntaǵy tıip ketti. Onyń kózi kórmeı qaldy», dedi komandanyń bas bapkeri Rysa Chalymbaı.
Bahtıer úshin bul Túrkııa chempıonatyndaǵy onynshy kezdesý boldy. Oıynnan keıin Zaınýtdınov San-Marıno men Slovenııaǵa qarsy 2024 jylǵy Eýropa chempıonatynyń fınaldyq matchtaryna daıyndalyp jatqan Qazaqstan quramasynyń ornalasqan jerine barýy kerek bolatyn.
