foto: tengrinews.kz
Elnur Beısenbaev depýtattyq saýalyn Qarjy mınıstri Erulan Jamaýbaevtyń atyna qarata joldady.
«Qazirgi tańda elimizde lýdomanııa, ıaǵnı oıynqumarlyqtyń órship bara jatqany jasyryn emes. Ol – qoǵamnyń úlken dertine aınaldy. Degenmen, azamattarymyzdyń oıynqumarlyqqa salynýyna lotereıa oıyndarynyń da tejeýsiz kóp taralýy alǵyshart qalyptastyryp otyr. Máselen, elimizde «LOTOMatic», «LOTOclub» sııaqty ataýlarmen jumys isteıtin «Sátti juldyz» kompanııasynan lısenzııa alǵan eki kompanııa bar. Ashyq aqparat kózderinen belgili bolǵandaı, eki kompanııanyń da quryltaıshylary bir. Bireýi aqyly arnaıy lotereıa satatyn lotoklýbtardyń jumysyn úılestirse, endi biri elimizge jasyl-sary tústi apparattardy engizýmen aınalysady. Lotoklýbtyń máselesin zańmen qatań shekteıtinimiz anyq. О́ıtkeni bul da kazınonyń, qumar oıynnyń bir túri. Al, jasyl-sary tústi termınaldardyń elimizdegi resmı sany 5 myńnan asyp jyǵylady. Iаǵnı ár oblys ortalyǵynda kemi 300 termınal bar, bul tek qana resmı tirkelgenderi. Beıresmı, zańsyz jumys istep jatqan «tajaloıyn» jasyl-sary jáshikterdiń esebin eshkim bilmeıdi», dedi Elnur Beısenbaev.
Depýtat oıyn termınaldarynan ońaı aqsha tabamyz dep opyq jep otyrǵan azamattardyń kóbeıýi memlekettik organdardyń salǵyrttyǵy dep baǵalady. Ol baqylaýsyz ornatylǵan jasyl-sary tústi termınaldardyń bıýdjetke salyq tólemeıtinin de synady.
«Oǵan qosa, atalǵan oıyn avtomattaryn kimniń oınap jatqanyn qadaǵalaıtyn ne bir adam, ne bir memlekettik organ joq. Bul avtomattardy torýyldaǵandardyń kóbi jas jetkinshek balalar, oqýshylar ekeni anyq. Memlekettik organdardyń salǵyrttyǵynan ońaı aqsha tabamyz dep, óz taǵdyryn qıratqan jas balalarymyz otbasylaryn da san soqtyryp jatyr emes pe?! Lotereıa termınaldarynyń kóbeıip ketýi óskeleń urpaqty oıynqumarlyqqa eliktirýmen qatar, túrli qylmystardyń kózine de aınalyp otyr. Urlyq jasaý, kóleńkeli bıznes jáne taǵy basqalarynyń da túpki sebebi osynda jatyr. Baqylaýsyz ornatylǵandyqtan, olardan bıýdjetke salyq ta tólenbeıdi. Eń qyzyǵy, osy oıyn avtomattary men olarǵa qajet jabdyqtar elimizde óndirilmeıdi, tolyqtaı shetelderden tasymaldanady. Buǵan quqyǵy bar zańdy operatorlardan bólek, túrli joldarmen astyrtyn tasymaldaýshylar da jetip artylady. Olar keden arqyly kontrabandalyq jolmen zańsyz ótkiziledi. Tunyp turǵan qylmystyq toptyń is áreketine jatady», dedi depýtat.
