Prezıdent • 27 Qarasha, 2023

Qazaqstan Aqtaý jáne Quryq porttaryn damytýdy kózdeıdi

250 ret

kórsetildi

1 mın

oqý úshin

Memleket basshysy Abu Dhabi Ports Group kompanııasynyń basqarýshy dırektory Muhammed Jýmý ál-Shamısıdi qabyldady, dep habarlaıdy Egemen.kz Aqordanyń baspasóz qyzmetine silteme jasap.

Marjan TILEÝBEK

Qazaqstan Aqtaý jáne Quryq porttaryn damytýdy kózdeıdi

Foto: Aqorda

Kezdesý barysynda Memleket basshysy Aqtaý jáne Quryq porttaryn damytýdy Qazaqstan strategııalyq maqsat etip otyrǵanyn atap ótti.

Qasym-Jomart Toqaev pen Muhammed Jýmý ál-Shamısı Abu Dhabi Ports Group kompanııasynyń kólik-logıstıka salasyndaǵy baı tájirıbesin eskere otyryp, osy saladaǵy ózara tıimdi qarym-qatynastyń perspektıvalaryn talqylady.

Memleket basshysy Qazaqstan munaıyn Orta dáliz arqyly Ázerbaıjanǵa tasymaldaý jónindegi «QazMunaıGaz» kompanııasy men ADP arasyndaǵy yntymaqtastyqty oń baǵalady.

Prezıdent Eýrazııany Shyǵanaqpen, Afrıkamen jáne Úndistanmen baılanystyratyn «Soltústik – Ońtústik» baǵdarynyń áleýetin paıdalaný jospary týraly aıtty. Onyń pikirinshe, 2027 jylǵa qaraı atalǵan baǵyttyń júk ótkizý qabileti keminde 70 paıyzǵa artyp, 9 mıllıon tonnadan 15 mıllıon tonnaǵa deıin ulǵaıýǵa tıis.

Osyǵan baılanysty Qasym-Jomart Toqaev «Qazaqstan temir joly» men ADP arasynda birlesken kásiporyn qurý jónindegi ýaǵdalastyqty erekshe atap ótip, bul jobalardyń tabysty júzege asyrylýyna tilektestik bildirdi.