Prezıdent bilim oshaǵyndaǵy sport zalyn, ashanany jáne shyǵarmashylyq oılaý júıesin damytýǵa arnalǵan ArtLab kabınetin aralap kórdi. Sondaı-aq 1-11 synyp oqýshylaryn negizgi IT baǵyttar boıynsha 3D-modeldeýge baýlıtyn ArtNationkz bilim berý jobasymen tanysty.
Kásipkerdiń jeke qarajatyna salynǵan bul mektep-gımnazııa bıyl qyrkúıek aıynda ashyldy. Onyń qurylysyna 5,7 mıllıard teńge jumsalǵan. Nysannyń aýmaǵy – 122 myń sharshy metr.
Búginde mektepte 3600 oqýshy bilim alyp jatyr. Memleket basshysy mektep oqýshylarymen áńgimelesip, olardyń oqýda tabysty bolýyna tilektestik bildirdi.
