Yntymaqtastyqtyń jańa kezeńi

Qazaqstan men Rýmynııanyń syrtqy saıa­sat vedomstvolary basshylary kezdesýiniń negizgi taqyryptary saıası, saýda-ekonomı­kalyq jáne mádenı-gýmanıtarlyq ynty­maq­tastyqty jandandyrý, shart-quqyqtyq bazany keńeıtý, sondaı-aq negizgi óńirlik jáne jahandyq máseleler boıynsha pikir almasý máseleleri boldy.

Taraptar barlyq deńgeıdegi baılanys­tardy jandandyrýǵa jáne BUU, EQYU jáne basqa da halyqaralyq qurylymdar sheńberindegi ózara is-qımyldy kúsheıtýge múddeliligin rastady. Kelissózder barysynda Astana men Býharesttiń ashyq jáne senimdi dıalogke beıildiligi rastaldy. «Qazaqstan Rýmynııanyń 1991 jyly bizdiń táýelsizdigimizdi moıyndaǵan alǵashqy eýropalyq memleket bolǵanyn joǵary baǵalaıdy. Siz Shyǵys Eýropa men Eýropalyq odaqtaǵy biz úshin senimdi jáne mańyzdy seriktesimiz bolasyz», dep málimdedi M.Nurtileý.

О́z kezeginde L.Odobeský Qazaqstan men Rýmynııa arasyndaǵy ózara qarym-qatynastyń joǵary deńgeıin aıtyp, rýmyn tarapynyń jan-jaqty yntymaqtastyqqa daıyndyǵyn atap ótti. «Biz osy oń dınamıkany qoldaýǵa, kólik jáne energetıka sııa­q­ty asa mańyzdy salalardaǵy qazaq-rý­myn yntymaqtastyǵyn tereńdetýin jal­ǵas­tyrýǵa daıynbyz», dedi rýmyn mınıstri.

Eki eldiń SIM basshylary saýda-ekonomıkalyq jáne ınvestısııalyq baılanystardy keńeıtý qajettigine erekshe nazar aýdardy. Sonymen qatar aýyl sharýashylyǵy, densaýlyq saqtaý, bilim berý jáne sıfrlandyrý salalary perspek­tıvti baǵyttar retinde belgilendi.

О́zara tıimdi ınvestısııalyq úılestirý­diń jarqyn úlgisi retinde Rýmynııa­daǵy Qazaqstannyń eń iri sheteldik aktıvi «QazMunaıGaz International» kom­panııa­synyń qyzmetin aıtýǵa bolady. Bú­gingi tańda qazaqstandyq kompanııa osy el­degi negiz­gi ınvestorlardyń biri retinde bede­­lin saqtap, Eýropanyń energetıkalyq qa­ýip­siz­digin qamtamasyz etýge óz úlesin qosýda.

Rýmynııa – Ortalyq jáne Shyǵys Eýropa aımaǵyndaǵy Qazaqstannyń jetek­shi saýda jáne ınvestısııalyq seriktesi, Eýropada 5 jáne álemde 12-orynda tur. 2022 jyly ekijaqty saýda kólemi 2,7 mlrd AQSh dollaryn qurasa, aǵymdaǵy jyldyń qańtar-qazan aılarynda 2,3 mlrd AQSh dollaryna jetti. QMG-nyń Rýmynııa aktıvterine tikeleı ınvestısııalary 4 mlrd dollardan asty. Keıingi onjyldyqta Rýmynııa QR ekonomıkasyna 1,57 mlrd dollar ınvestısııa saldy. Qazaqstanda rýmyn kapıtalynyń qatysýymen 37 kompanııa tirkelgen.

Taraptar Transkaspıı halyqaralyq kólik marshrýtynyń (THKM – Orta dáliz) áleýetin birlesip damytý týraly ýaǵda­lastyqqa qol jetkizdi. Osyǵan baılanysty qazaqstandyq tarap bizdiń logıstıkalyq ınfraqurylymdarymyzdy, sonyń ishinde Eýropa men Azııany tıimdi baılanystyratyn Aqtaý jáne Konstansa teńiz porttaryn ıntegrasııalaýdyń mańyzdylyǵyn atap ótti.

Taraptar mádenı-gýmanıtarlyq almasýdy odan ári damytý máselelerine nazar aýdardy. Atap aıtqanda, syrtqy saıası vedomstvolardyń basshylary bilim, ǵylym jáne mádenıet salasyndaǵy birlesken jobalardy iske asyrý jóninde ýaǵdalastyqqa qol jetkizdi. Sońǵy úsh jylda elimizdiń astanalarynda uly aqyndar Abaı Qunanbaev pen Mıhaı Emıneskýdiń bıýstteri, sondaı-aq «Býharest» jáne «Qazaqstan» skverleri saltanatty túrde ashylǵanyn atap ótken jón.

Kelissózder qorytyndysy boıynsha eki mınıstrdiń Birlesken málimdemesi qabyldanyp, syrtqy saıası zertteý ıns­tıtýttary men damýǵa resmı kómek agent­tikteri arasyndaǵy yntymaqtastyqty nyǵaıtýǵa baǵyttalǵan memorandýmdarǵa qol qoıyldy.