ERG Qazaqstan elektrolız zaýyty quny 15,6 mlrd teńgelik ınvestısııalyq jobany júzege asyrdy

Alıýmınıı óndirisi tehnologııasynda aldyn ala kúı­di­ril­gen anodtyń máni aıryqsha. Anod óndirisindegi eń aýqymdy jabdyq – anodty kúıdirý peshi. 50 kameradan turatyn jab­dyq­tyń uzyndyǵy – 200, al eni 30 metrden asady. Pesh jobasyn nemistiń «Riedhammer» kom­pa­nııa­synyń mamandary ázirlep, ózderi ornatyp bergen. Keıin ony sheteldik mamandardyń ba­qy­­laýymen otandyq «Stroı­montaj» kompanııasynyń ókil­de­ri iske qosty.

Kúrdeli jóndeý jumys­ta­ry­na daıarlyq – óte jaýapty ári uzaq ýa­qytty talap etetin kúrdeli úde­ris. Aýqymdy jumystyń tııa­naq­ty kestesi jasalyp, jón­deý jumystary bastalmas bu­ryn qa­jetti jabdyqtar, qo­salqy ból­shekter men materıaldar tú­gel jetkizilgen. Anod kúı­dirý peshi tamyz aıynda tolyq toqta­ty­lyp, jóndeý jumystary jos­parly ýaqyttan 2 apta buryn aıaqtaldy.

Jańǵyrtý barysynda álemdik anod óndirisi ónerkásibindegi qa­zirgi eń ozyq jetistikter eske­ril­di. 14 myń tonna jalynǵa tó­zimdi qaptama arshylyp, Nı­der­land, Úndistan men Ger­ma­nııada óndirilgen zamanaýı joǵary sa­paly materıaldardy qoldana oty­ryp, qaıta ornatyldy. Odan bólek, shyǵaryndy gazdarǵa ar­nal­ǵan 4 kollektor almas­ty­ryl­ǵan. Sońǵy býyn­nyń jańa jab­dyqtarynyń senim­diligi joǵa­ry ári olar pesh ju­my­syn aı­tar­lyqtaı jaqsarta alady. Kúr­de­li jóndeýden soń, anod kúı­dirý kólemi jylyna 138,4 myń tonnaǵa jetedi dep jos­par­lan­ǵan. Jańǵyrtýdyń ekin­shi kezeńi – jalyn-jaǵý jab­dyq­ta­ryn almastyrǵan soń, bul kór­set­­kish 153 myń tonna je­tedi de­gen úmit bar.

«Bul ınvestısııalyq joba tek kásiporynnyń óndiris kóle­min ulǵaıtyp qana qoımaı, óner­ká­siptiń energııa tıim­di­ligin arttyrý, qorshaǵan ortaǵa eko­lo­gııalyq júktemeni tómen­detý syndy birqatar ke­shendi min­det­terdi sheshýge baǵyt­tal­ǵan. Pesh­pen qatar biz gaz tazartý júıe­lerin de kúrdeli jón­deý­den ótkizdik. Aldaǵy 10 jylda olar­­dyń jumys tıimdiligi 99,5% bolady», dedi ERG-diń Qazaq­stan­­daǵy bas dırektory Serik Shahajanov.

Qazaqstan elektrolız zaýyty jańa 16 elektrolızdi iske qosyp, óndiris qýatyn ulǵaıtýdy kóz­dep otyr. Nátıjesinde, bas­tap­qy alıýmınıı totyǵy ón­di­risiniń kólemin jylyna 14 myń ton­naǵa arttyrýǵa múmkindik týa­­dy. Kúıdirý peshterin kúr­de­li jón­deý jumystary al­da­ǵy ýa­qyt­­ta kásiporyndy óz anod­tary­men qamtamasyz etýge septesedi.