Májilismen shymkenttik jalǵyz basty ananyń aryzyn búgingi jalpy otyrysta ortaǵa saldy. Ol qarapaıym halyqtyń tirligi tıisti memlekettik mekemelerden tynbaǵannan keıin sońǵy úmitin úkilep depýtattarǵa júginetinine nazar aýdardy.
«Depýttardyń atyna joldanǵan hattarda aımaqtardaǵy kúshtik qurylymdardyń, naqtylap aıtsaq, Prokýratýra, Ulttyq qaýipsizdik komıteti, Sybaılas jemqorlyqqa qarsy agenttik, Ishki ister departamenti qyzmetkerleriniń is-áreketterine shaǵymdanatyn hattardyń sany barshylyq. Olarǵa Almaty, Shymkent, О́skemen, Semeı, Jańaózennen jetken hattardy jatqyza alamyz», dep depýtat adamnyń quqyǵyn, bostandyǵyn qorǵaıtyn kúshtik qurylymdardyń qyzmetkerleri laýazymyn jeke paıdaǵa jumyldyryp jatqanyn alǵa tartatyn mysal keltirdi.
«Shymkent qalasynyń turǵyny jazǵyzbasty ana, balasymen shamamen 4 mln teńgesin alaıaqtarǵa aldanyp aldyrǵan. Bul faktti anyqtaǵan jábirlenýshiler Shymkent qalasy Eńbekshi aýdany polısııa basqarmasyna aryzdanǵan. Alaıda ótinish ıesiniń aıtýynsha aıyptalýshynyń quqyq qorǵaý organ qyzmetkerlerimen tanystyǵynyń arqasynda qylmystyq is birneshe ret toqtatylǵan. Jábirlenýshi men onyń ulyna ashyq túrde qoqan-loqqy kórsetilgen. Sonymen 2021 jyldyń tamyzynda qozǵalǵan is búginge deıin sotqa jetpegen», dedi depýtat.
Rınat Zaıytov fraksııa depýttarynyń aldyna júgingen kelesi másele, tipti, jaǵa ustatarlyq ekenin baıandap berdi.
«Sondaı-aq qoǵamdyq qabyldaýǵa kelgen О́skemen qalasynyń turǵyny ótinish ıesi Totanovanyń atynan aryz qaldyryp, aıtyp jetkizgen jaıt, tipten, oıǵa qonymsyz. Onyń aıtýynsha, aımaqtyq kúshtik qurylym qyzmetkerleri ózine tirideı kór qazdyryp, azap kórsetken. Osyndaı isti sotqa jetkizbeý ne isti qozǵamaý, bıligin asyra paıdalaný t.b is-áreketterdi áriptesterim de aıta alady», dedi Zaıytov.
Ol sondaı-aq, qyzdarǵa qorlyq kórsetken Ishki ister qyzmetkerleriniń áreketterin de synǵa aldy. Quzyretin qylmysty azaıtýǵa emes, tabysyn kóbeıtý úshin paıdalanǵandarǵa nege shara qoldanylmaıtynyn surady. Depýtat quqyq qorǵaý qyzmetterinde osyndaı isterdi qaraıtyn top qurýdy, tıisti jaza qoldaný kerek ekenin aıtty.
