Solardyń arasyndaǵy eń qundysy – shilde aıynyń sońynda Mılanda ótken álem chempıonatynyń qola medali. Onyń ıegeri – Rýslan Qurbanov. «Shpagashylardyń» saıysynda ol majarstandyq Mate Tama Koch pen ıtalııalyq Davıde Dı Verolıden ǵana qalyp qoıdy. Bul – otandyq semserlesýshilerdiń dúnıejúzilik dodadaǵy tuńǵysh júldesi. Dál sol sportshymyz Álem kýboginiń kezeńdik saıysynda úshinshi orynǵa taban tiredi. Atalǵan jarysta Artem Sarkısıan («sablıa») kúmis medaldy moınyna ilse, quramynda Rýslan Qurbanov, Elmır Álimjanov, Erlik Sertaı, Vadım Sharlaımov syndy saıypqyrandary bar Qazaqstan quramasy («shpaga») bas júldeni oljalady. Bul básekeler Italııanyń Padýıa men Lenıano jáne Túrkııanyń Ystanbul qalalarynda ótti.
Qytaıdyń Hýanchjoý qalasynda alaýy tutanǵan Azııa oıyndarynyń komandalyq saıysynda otandastarymyz bir kúmis pen bir qolany enshilese, Elmır Álimjanov úzdik úshtikti túıindedi. Sondaı-aq Dúnıejúzilik ýnıversıadada jeńip alǵan qola medalimiz taǵy bar.
