Prezıdent • 22 Jeltoqsan, 2023

Prezıdent: Qazaqstan-AQSh kóptegen sala boıynsha yntymaqtastyq ornatqan

220 ret

kórsetildi

1 mın

oqý úshin

Prezıdent AQSh-tyń Qazaqstandaǵy elshisi Denıel Rozenblıýmdi qabyldady. Kezdesý barysynda Qazaqstan men Amerıka Qurama Shtattary arasyndaǵy ekijaqty qatynastardy damytýǵa, sondaı-aq jahandyq jáne óńirlik qaýipsizdikke qatysty ózekti máseleler qarastyryldy, dep habarlaıdy Egemen.kz Aqordanyń baspasóz qyzmetine silteme jasap.

Shyńǵys MUQAEV

Prezıdent: Qazaqstan-AQSh kóptegen sala boıynsha yntymaqtastyq ornatqan

Foto: Aqorda

Prezıdent Qasym-Jomart Toqaevtyń aıtýynsha, eki el qaýipsizdik, ornyqty damý, klımat problemasy, gýmanıtarlyq baılanys jáne basqa da kóptegen sala boıynsha yntymaqtastyq ornatqan.

Memleket basshysy ekonomıkalyq yqpaldastyqty ekijaqty qatynastardyń negizgi tiregi retinde atap ótip, saýda-ekonomıkalyq jáne ınvestısııalyq yntymaqtastyqty keńeıtý, sonyń ishinde Investısııa tartý jónindegi keńes qyzmeti aıasynda nyǵaıtý qajet ekenin aıtty.

Sonymen qatar kezdesýde saýda, kólik, logıstıka, «jasyl» energetıka, ekologııa, taý-ken óndirý ónerkásibi salalaryndaǵy baılanystardy arttyrý múmkindikteri talqylandy.

Aqorda